NOTA DE PRENSA:
O VINDEIRO DOMINGO PÉCHASE A SEGUNDA TEMPADA DO EIDO DOURADO EN BARREIROS. AS INSTALACIÓNS PODERÁN VISITARSE NOS VINDEIROS MESES PREVIA CITA TELEFÓNICA.
Barreiros, 15 de setembro de 2010. O vindeiro domingo 19 de setembro pecharase a segunda tempada do Eido Dourado en Barreiros, aínda que se poderá visitar nos vindeiros meses previa cita no teléfono 982 12 44 51. O seu autor, Celso Dourado, amósase satisfeito coa acollida que segue a ter entre os visitantes e asegura que se mantivo a cifra do ano pasado, unhas 3.000 persoas se pasaron polo Eido Dourado desde o mes de xuño.
Dourado dixo que “a valoración desta segunda tempada é tremendamente positiva xa que supón a consolidación e o asentamento dun espazo cultural no medio rural, algo non habitual. A xente que visitou as instalacións o ano pasado repetiu nesta nova tempada nunha grande maioría para coñecer as novidades e ao mesmo tempo arrastrou a moita máis xente con eles”.
O artista barreirense sinalou que “houbo visitantes de toda a península ibérica, incluido Portugal, e ao mesmo tempo unha porcentaxe moi interesante de cidadáns extranxeiros holandeses, alemáns e ingleses. Esto débese á presencia do Eido Dourado coma un referente tanto en guías turísticas como de viaxes”.
Celso Dourado subliñou que “o Eido Dourado sempre o concebín coma un espazo alternativo e de renovación constante. Pódese chamar museo vivo, xa que todos os anos me propuxen o reto de renovar a exposición pictórica na súa meirande parte. Para esto precísase un novo tempo de traballo en soidade, en tranquilidade que che permita facer novas creación e aportacións pictóricas e estéticas para ofrecerlle as novidades ao público no vindeiro verán”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
