Nota de Prensa
UN CURSO DIVULGARÁ ENTRE OS CONDUTORES CERVENSES TÉCNICAS PARA GASTAR MENOS COMBUSTIBLE
Cervo, 22 de outubro de 2010.- A concellaría de Medio Ambiente e a Oficina de Desenvolvemento Local do Concello de Cervo colaborarán coa Fundación Sotavento Galicia na organización dun curso mediante o que se pretende promover un uso máis racional dos nosos vehículos.
Esta actividade -promovida polo instituto enerxético de Galicia (INEGA) e a Consellería de Industria ao abeiro do Plan de Acción da Estratexia de Aforro e Eficiencia Enerxética que canaliza o Instituto para a Diversificación e Aforro de Enerxía (IDAE)- terá lugar o vindeiro 4 de novembro e impartirase no núcleo de Cervo.
“Trátase de fomentar un novo estilo de condución co que se obteñen diminucións medias de consumo de combustible de ata un 15% sobre o convencional” indicou a concelleira de Medio Ambiente, Pilar Armada. Os interesados en participar poden inscribirse previamente na Casa do Concello, na Casa da Cultura de San Ciprián ou chamando ao teléfono 982 557 777 en horario de oficina. O prazo para inscribirse rematará o 3 de novembro.
Os cursos son totalmente gratuítos e están dirixidos a persoas que utilicen habitualmente un vehículo privado para os seus desprazamentos. Como único requisito, deberán ir ás clases provistos carné de conducir, así como unha fotocopia do mesmo que deberán entregar na xornada inicial. Os participantes realizarán percorridos duns quince minutos de duración acompañados por monitores especializados en técnicas de condución de baixo consumo de combustible.
Segundo os organizadores, se todos os condutores e condutoras usásemos as técnicas de condución económica, en España aforraríanse 2.555 millóns de litros de combustible, o que supón que poderían circular gratis 2,6 millóns de automóbiles e aforraríanse 2.134 millóns de euros cada ano (unha media de 136 euros por condutor).
A isto hai que sumarlle os enormes beneficios medio ambientais que pode supor realizar unha condución eficiente, logrando unha redución das emisións de CO2 de 6,3 millóns de toneladas, equivalentes a plantar 48 millóns de árbores en España, é dicir, o 20% da superficie da provincia de Pontevedra. A isto engádeselle o grave problema da contaminación acústica: o ruído provocado por un coche a 4.000 rpm, equivale ao de 32 vehículos a 2.000 rpm.
A iniciativa enmárcase nas medidas de fomento do uso eficaz dos medios de transporte que puxo en marcha o Instituto para a Diversificación e Aforro de Enerxía. Polo que respecta á Fundación Sotavento, ten como principal obxectivo a divulgación das enerxías renovables.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
