Nota de Prensa
A Deputación pecha este venres a inscrición para o programa de inserción laboral do Pacto polo Emprego
– Ata entón, os interesados poden formalizar a súa solicitude chamando ó telefono 982-26-53-34, ou enviando un correo electrónico a pactoemprego@deputacionlugo.org
– Máis de 1.600 persoas xa se anotaron nos 46 cursos remunerados que darán emprego a 540 lucenses que actualmente están no paro
A Deputación pecha este venres, 15 de outubro, o prazo de inscrición para o programa que insertará laboralmente a 540 desempregados da provincia nas profesións con futuro. Trátase dunha iniciativa que se enmarca dentro do Pacto Provincial polo Emprego, o programa do organismo provincial co-financiado polo Fondo Social Europeo nun 80%.
Ata entón, os desempregados de todos os Concellos lucenses, -agás os de Lugo xa que este municipio conta cun propio Plan e supera os 50.000 habitantes-, poden formalizar a súa solicitude chamando ó teléfono do INLUDES 982-26-53-34, ou enviando un correo electrónico ó enderezo pactoemprego@deputacionlugo.org. Polo de agora, máis de 1.600 persoas se inscribiron nos 45 cursos que contan con máis de 15.000 horas de formación, 60.000 horas de prácticas remuneradas en empresas, ademais dunha axuda económica mensual de 400 euros. O éxito deste programa de inserción laboral é tal, que a Deputación xa tivo que ampliar ata en dúas ocasión o prazo de solicitude para que todos os cidadáns puidesen anotarse.
Cando remate a inscrición, comezará a selección dos beneficiarios e a formación correspondente para cada un. A Deputación consensuará cos Concellos os lugares máis axeitados para impartir a formación, así como as empresas para as prácticas profesionais procurando que estén o máis próximas ós seus domicilios.
Para coordinar todo o territorio, os Concellos disporán de 3 oficinas técnicas: no norte (Foz), sur (Chantada) e centro (INLUDES). Contarán con persoal que se desprazarán onde faga falta e asesorarán tamén ós alumnos que, no futuro, opten por montar a súa propia empresa, ben como autónomos ou como PEMES.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
