Nota de prensa:
A CORPORACIÓN CERVENSE ABORDARÁ NO PLENO DO VINDEIRO XOVES A EXPROPIACIÓN DUN TERREO NO LUGAR DE TELLADO, NECESARIO PARA REMATAR A REDE DE SANEAMENTO NO NÚCLEO DE ESPIÑEIRIDO
*
O trámite persegue dar conexión “canto antes” ás zonas deste núcleo que aínda carecen deste servizo básico
*
No pleno tamén se debaterá a proposta da alcaldía de ampliar o convenio co sistema de recadación da Deputación provincial para a xestión dos cobros de determinados impostos municipais
*
Tamén se modificará o regulamento municipal do servizo de axudas no fogar para adaptalo á orden da Xunta de Galicia que regula este servizo en Galicia
Cervo, 22 de novembro de 2010.- Hoxe tivo lugar no Concello de Cervo unha reunión da Comisión informativa de Asuntos do Pleno na que se deron a coñecer aos distintos grupos municipais os temas que conformarán a sesión plenaria municipal que vai ter lugar o vindeiro xoves, día 26.
Entre os asuntos que se debaterán no pleno figura a expropiación dunha franxa de terreo duns 35 metros lineais no lugar de Tellado, necesarios para rematar as obras de construción da rede de saneamento no núcleo de Espiñeirido.
Segundo indicou o alcalde, Alfonso Villares, trátase de conectar un tramo que quedou pendente de facer debido á negativa dun veciño que se opuxo ao trazado do saneamento argumentando que invadía a súa propiedade “e iso a pesares de que o resto dos veciños da zona aseguran que aí sempre houbo un camiño público dende que teñen uso de razón” recalcou o rexedor. “Por este motivo -continuou Villares- vémonos obrigados a facer unha modificación do proxecto inicial e, polo tanto, levar adiante unha expropiación dun terreo distinto a onde actualmente temos o conflito de propiedade”.
O rexedor sinalou que con esta expropiación se pretende dar conexión “canto antes” a esta zona para poder evitar deste xeito os posibles verquidos incontrolados que se puideran producir.
CONVENIO
No pleno do xoves tamén se debaterá a proposta da alcaldía de renovar e ampliar o convenio co sistema de recadación da Deputación provincial para a xestión dos cobros de determinados impostos municipais. O convenio vixente ata o de agora entre estas dúas administracións abarcaba o cobro por parte da Deputación do imposto municipal de vehículos en período voluntario e a xestión por vía executiva do resto dos cobros dos impostos municipais. O novo convenio pretende ademais ampliar esta xestión aos cobros en período voluntario dos impostos de bens inmobles (IBI) e de actividades económicas (IAE).
REGULAMENTO AXUDAS NO FOGAR
Outro tema que se tratará na vindeira sesión plenaria é a modificación do regulamento municipal do servizo de axudas no fogar para adaptalo á orden da Xunta de Galicia que regula este servizo en Galicia
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
