Nota de prensa
A XUNTA LICITA O DRAGADO E LIMPEZA DO ENCORO LUCENSE DE LOURENZÁ, ACTIACIÓNS NAS QUE invistIRÁ máis dun millón de euros
* A acumulación de algas e sedimentos no vaso do encoro poñen en perigo o bo funcionamento do mecanismo de desaugadoiro, ademais de mermar a capacidade do encoro
* A delegada territorial, Raquel Arias, considera que o proxecto “mellorará claramente o abastecemento ao concello de Lourenzá, dado que na actualidade a acumulación de lodos impide a utilización óptima de todas as tomas de captación”
* O abastecemento á ETAP de Lourenzá manterase en todo momento alleo aos traballos no encoro ao dispoñerse unha toma provisional mediante pozo filtrante e bombeo de auga necesaria á actual condución
Lugo, 25 de novembro de 2010.- A Xunta de Galicia licita hoxe, a través do Diario Oficial de Galicia, a limpeza e dragado do encoro no río Baos do concello lucense de Lourenzá, por un valor de máis dun millón de euros. Esta actuación levarase a cabo grazas á sinatura dun convenio de colaboración entre a Consellería de Medio Ambiente, Territorio e Infraestruturas, a través da Empresa Pública de Obras e Servizos Hidráulicos EPOSH, e este municipio da provincia de Lugo.
Neste encoro vense observando a existencia dunha importante acumulación de lamas e sedimentos no vaso. Este feito implica unha redución da súa capacidade e tamén pode darse a situación de que os seus órganos de desaugadoiro queden fóra de servizo. Cómpre indicar que esta situación limita a capacidade de actuacións en caso de que acontezan episodios de avenidas ou asolagamentos.
En consecuencia, e dado que o encoro forma parte da rede de abastecemento ao municipio e existe a ameaza de afectar á subministración de auga á poboación de Lourenzá, é necesario dragar os sedimentos acumulados no encoro, situado no Río Baos, así como o posterior tratamento e xestión das lamas recollidas.
Segundo a delegada territorial, Raquel Arias, este proxecto “mellorará claramente o abastecemento ao concello de Lourenzá, dado que na actualidade a acumulación de lodos impide a utilización óptima de todas as tomas de captación”. En todo caso, Arias destacou que, aínda que os residuos estorban o normal funcionamento do sistema, non son perigosos.
Con esta obra acádase o obxectivo de promover a mellora do medio ambiente, contribuíndo a garantir a sostibilidade e protección ambiental, así como o servizo aos habitantes da zona, xa que o encoro forma parte da rede de abastecemento ao municipio.
Subministro de auga
Nas obras inclúese o dragado das areas e lodos acumulados no vaso ante a ameaza de afectar ao subministro de auga á poboación de Lourenzá. Estímase que será necesario dragar un volume de 13.195 metros cúbicos.
O procedemento de dragado será por medio de aspiro-draga a cal irá montada nunha balsa, que bombeará a través dunha mangueira flexible o caudal de lodos a unha planta portátil instalada no lateral do encoro, onde se separarán as fraccións sólida e líquida e procederase a clasificar e deshidratar os lodos obtidos para a súa posterior entrega a xestor autorizado.
O abastecemento á ETAP de Lourenzá manterase en todo momento alleo aos traballos no encoro ao dispoñerse unha toma provisional mediante pozo filtrante e bombeo de auga necesaria á actual condución.
Outros dos beneficios desta colaboración é a resposta aos efectos negativos da degradación ambiental da zona, xa que ao ritmo de aterramento do encoro é posible que nuns anos desaparezan as masas de auga global, quedando substituída por pequenas masas de auga que se comunicarían en función do nivel do encoro.
Obrigas dos asinantes
En virtude desta colaboración, as administracións asinantes do convenio asumen un serie de obrigas. No caso da Consellería de Medio Ambiente comprométese a financiar o 100% da actuación, polo que se destinarán 1.068.622 euros, contratar as obras e entregar as mesmas unha vez finalizadas.
Por outra parte, o Concello de Lourenzá debe poñer a disposición os terreos necesarios para a normal execución das obras. Tamén se compromete ao sometemento a información pública dos proxectos das obras correspondentes e compromiso de conformidade co proxecto técnico dos traballos.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
