Nota de prensa:
ASINOUSE O CONVENIO QUE CONVERTIRÁ A IGREXA DE S. PEDRO DE ALCÁNTARA, EN MONDOÑEDO, NUN CENTRO CULTURAL
A Deputación aporta 185.000 euros ás obras, que converterán o lugar, por unha banda, nun centro contedor para a mostra de fondos e recepción de visitantes, e por outra nun centro produtor de contidos e actividades
MONDOÑEDO, 09 de Novembro de 2010. O delegado de Cultura e Deporte da Deputación, o nacionalista Antonio Veiga, estivo esta mañá na casa do concello de Mondoñedo, onde o alcalde, Orlando González, asinou o convenio que permitirá facer da Igrexa de San Pedro de Alcántara un centro cultural, cun investimento de 185.000 euros. O obxectivo que se acadará con estas obras será a creación dun espazo de exposición e aproveitamento cultural, educativo e turístico das figuras artísticas máis importantes da historia de Mondoñedo: Leiras Pulpeiro, Noriega Varela, Pascual Veiga, Cunqueiro ou o mestre Pacheco e os mestres de capela.
As obras de acondicionamento do contorno desta igrexa da Alcántara leváronse a cabo coa achega do Ministerio de Vivenda, e inauguráronse fai poucas semanas. A actuación que realizará a Área de Cultura da Deputación, como indicou Veiga, “encherá de contido a igrexa, poñéndoa en valor como un centro cultural que traerá un grande beneficio ao concello de Mondoñedo”.
Orlando González manifestou a súa satisfacción pola acción que se vai realizar, e lembrou que “a igrexa está desacralizada, é de propiedade municipal. Xa tivo historicamente unha vinculación co uso cultural do seu espazo, especialmente no ámbito musical”. S. Pedro de Alcántara aparece citada en varios escritos históricos como “Teatro da Alcántara”, polo que reconvertela para uso sociocultural confírmase como unha iniciativa moi positiva.
Deste xeito, crearase un centro cultural co patrimonio literario e cultural de Mondoñedo, e o centro será entendido de dúas maneiras: por unha banda, como centro contedor que se empregará para expoñer fondos e recibir visitantes, e ao mesmo tempo un centro produtor de contidos e promotor de actividades de divulgación, de cara á apertura á sociedade. Polo tanto, a unha oferta expositiva e cultural terá carácter permanente, e as iniciativas que se xeren no novo centro xogarán un papel importante en beneficio do desenvolvemento e dinamización cultural, social e económica de Mondoñedo.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
