Renovouse a executiva local de Novas Xeracións de Ribadeo
Nota de Prensa
Jacobo Río asume a dirección de Novas Xeracións en Ribadeo
* A renovación da executiva celebrouse onte coa presenza do presidente provincial, Daniel Vega e o portavoz do PP local, Manuel Valín
Ribadeo, 8 de novembro de 2010.- A renovación da executiva local de Novas Xeracións de Ribadeo tivo lugar onte nun acto celebrado na Casa do Mar da vila e ao que asistiron o presidente provincial da agrupación político xuvenil e a súa vez presidente saínte de xunta de Ribadeo, Daniel Vega Pérez; o secretario xeral de NNXX da provincia, José Antonio González Vázquez; o candidato a alcaldía da localidade, Manuel Valín Valdés, xunto con outros membros da corporación municipal do PP.
Jacobo Río García asume a dirección da nova xunta local na que estará acompañado, entre outros, da secretaria xeral, Eva Roviralta Rey. Durante o seu discurso, o novo presidente recordou o “enorme” traballo realizado pola xunta saínte, presidida por Daniel Vega. Para exemplificalo, Jacobo Río explicou que en pouco menos de dous anos Novas Xeracións de Ribadeo pasou de 4 a 33 afiliados. Con este balance, o novo presidente animou tanto a Vega como a outros membros da anterior xunta local que agora constitúen a executiva provincial a que “traballen por Lugo e o traballo que levástedes a cabo en Ribadeo agora aválavos”.
Pola súa banda, Daniel Vega agradeceu a colaboración de “toda a xente que tivo comigo durante a miña etapa en Novas Xeracións de Ribadeo”, ao tempo que animou “ a formación xuvenil máis importante de todo a concello a traballar man a man con Valín para que sexa o próximo alcalde de Ribadeo”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
