Nota de prensa:
O BNG DE FOZ EMENDA OS ORZAMENTOS DA XUNTA PARA CUBRIR A FALTA DE SERVIZOS SOCIAIS E SANITARIOS DO CONCELLO
“Foz necesita por xustiza a Residencia, o servizo de urxencias ou a ampliación da escola infantil” afirma Basanta
Foz, a 5 de novembro de 2010.- O BNG no Parlamento ven de rexistrar as emendas aos Orzamentos da Xunta para o ano 2011 referidas a Foz para que se inclúan nos mesmos a realización de obras totalmente prioritarias para o Concello e que de forma incomprensible sempre se lle negaron. A maioría destas obras son de carácter social e xa estaban comprometidas pola Xunta en distintas lexislaturas.
A primeira das emendas fai referencia á construcción dunha Residencia dotada de Centro de Día, xustificada entre outras razóns pola gran demanda de prazas existente na vila, por ser Foz o único concello sen este servizo, por estar comprometida polo anterior goberno da Xunta e por estar ademais avalada esta petición por todos os grupos da corporación municipal. Hai que pensar que a creación desta infraestructura social levaría consigo a creación de máis de 100 empregos para os veciños e veciñas de Foz que están esperando, despois de obter o seu título, a traballar no seu. Neste sentido, afirma o portavoz municipal Xan Carlos González Basanta, “non imos a pasar porque os orzamentos contemplen só algún tipo de estudo de viabilidade ao que o PP nos ten acostumados e que na práctica significa que a obra non se vai a realizar en moito tempo”.
As outras dúas emendas prioritarias que o BNG presenta están ligadas ás melloras sanitarias. Unha delas sería dotar ao Centro de Saúde co servizo de urxencias que a Foz se lle negou no seu momento por motivos estrictamente partidistas. O servizo de urxencias a parte de ser unha demanda veciñal reiterada no tempo aparécese como un servizo necesario para unha poboación que está a altura de outras localidades que si o teñen como Ribadeo, Viveiro ou Mondoñedo. Segundo Basanta, “non é de recibo que o PP na Xunta concerte un Centro de Día en San Cibrao, outro no Vicedo e non diga nada sobre o Centro de Día de Foz”. Coa dotación deste servizo de urxencias conseguiríase desconxestionar o PAC de Burela, cada vez máis masificado e mellora a asistencia sanitaria na Mariña. A outra das emendas vai destinada a ratificar, a través da asignación de partidas, o servizo de ambulancia medicalizada que ten a súa base en Foz, dado que non aparece reflectida nin na Memoria nin nos propios Orzamentos.
Así mesmo, o BNG rexistrou unha emenda que foi xa aprobada por todos os grupos municipais en pleno: a ampliación da Escola Infantil e que consiste en acondicionar o piso superior do edificio e pechar a terraza. “A intención desta emenda é poder darlle este servizo educativo e asistencial ás 26 familias que están aínda en lista de agarda e que desta forma poderían ter aos seus nenos na escola”, di Basanta.
Finalmente, o BNG introduciu outras emendas referidas a Foz para que se inclúan nos Orzamentos como o Centro Comercial Aberto, unha iniciativa avalada pola ACIA de Foz pero que non conta coa vontade política da Xunta ao eliminar as axudas a estes programas, a posta en marcha o Centro de Interpretación do Románico na Casa Reitoral de San Martiño de Mondoñedo, obra que está xa rematada e que só falta dotala de persoal e mobiliario ou a construcción de 50 vivendas de protección pública para facilitar o acceso á vivenda de moitas familias e xoves que non teñen esta posibilidade ademais de crear emprego nun sector moi castigado pola crise económica.
En definitiva, o BNG presenta unhas emendas que en vez de recortar en servizos públicos e sociais inviste neles como única alternativa de manter e ampliar o estado de benestar e de crear postos de traballo no noso Concello. Esperamos que estas emendas vaian adiante por ser, entre outras razóns, moi necesarias e estar avaladas por todos os partidos a nivel local, incluído o PP. Doutra maneira, o PP na Xunta seguiría a discriminar a Foz por motivos exclusivamente partidistas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
