Nota de prensa:
O BNG de Xove pide no Concello o arranxo das estradas
O Bloque pedirálle hoxe ao goberno xovense un esforzo meirande na xestión para arranxar as estradas do municipio. Desde o BNG pensan que o enfrontamento entre populares e socialistas provoca un prexuízo que pagan os veciños das diferentes parroquias de Xove: “uns polos outros a casa sen varrer”, afirmaron os nacionalistas.
Desde o BNG describiron a situación como un “suspenso do executivo local na asignatura de Xestión Pública”, polo que o grupo municipal do Bloque solicitará que se asfalten as estradas e que se traballe na busca dun convenio de colaboración entre o Concello e a Deputación: “gobernar é dialogar para atopar puntos de encontro”, afirmou Marco López.
O cargo orgánico do Bloque advertiu con preocupación que, nun tema tan importante, o PP local solicitara a mellora dos preto de 50 km. de estradas do municipio unicamente por escrito, no canto de entrevistarse tamén co Delegado Provincial de Obras. Esta non lle parece ao responsábel local do BNG a maneira “máis intelixente” de axilizar a mellora da rede viaria municipal.
O nacionalista advertiu que a situación das estradas que vertebran o municipio “tamén son responsabilidade do PP local”. López declarou que aos veciños das parroquias non lles importa a quen pertence a rede viaria, o que lles proe é que o goberno do Concello “se espabile” e “lles dea o servizo que lles ten que dar”.
O Bloque xovense censurou que os populares utilicen de escudo os cidadáns, intentando agochar a ineficaz xestión do goberno local neste tema. Nesta liña, Marco López incidiu en que, se o que de verdade importa é acadar uns mellores servizos para Xove, o PP debería dirixir os seus esforzos cara a ese fin e non a confrontar os veciños de Xove cos de Viveiro utilizando o “argumento de patio de colexio” de que a uns lles asfaltan as estradas e a outros non.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
