Nota de prensa:
O CARBALLIÑO SUMA OS SEUS PRIMEIROS PUNTOS Á CONTA DO RIBADEO FSF (6-5)
O marcador volveu darlle as costas ao Panificadora del Eo na casa do Carballiño (6-5), que suma os seus primeiros puntos na categoría. Saíron as ribadenses en terras ourensás a sumar a súa segunda vitoria en Autonómica, pero a falta de acerto de cara á portería rival, as facilidades en defensa e en boa parte o labor do colexiado de quenda deron ao traste coas esperanzas das xogadoras do Panificadora de traer os puntos á comarca mariñá.
Aínda que foron as locais no minuto 5 as que inauguraron o luminoso por mediación de Noelia, o Ribadeo conseguiu remontar e situarse tres veces por diante no marcador. O 1-1 conseguiuno Sabela para as da Mariña no minuto 8. Adiantouse de novo O Carballiño no minuto 14 e no 15 igualou Fátima. Os erros defensivos por ambas as partes indicaban un marcador pouco estable e así, segundos máis tarde, de novo Sabela subiu a primeira vantaxe para as de Ribadeo. Pouco durou a alegría, posto que igualaron as locais e pouco máis tarde Fátima adiantou por segunda vez ao Ribadeo; era o 3-4 co que se chegaba ao descanso.
Aos 5 minutos do reinicio empataron as do Carballiño, resultado que se mantivo ata o minuto 37, no que Marta conseguiu o 4-5. Foi un espellismo; no mesmo minuto, a destacada xogadora local Vanessa volveu igualar. Con cinco faltas para as ribadenses, foi o colexiado quen se encargou de desnivelar o marcador a favor das locais, sancionando cualquera intento das mariñás de apoderarse do balón. A local Vanessa transformou no último minuto un dos tiros de 10 metros que suporía o 6-5 definitivo.
Próxima xornada. Este resultado deixa as xogadoras de Martínez a un paso dos postos de descenso, á espera de recibir o próximo sábado o FC Meigas de Bertamiráns, equipo que se atopa unha praza por riba das ribadenses.
Ficha técnica
O Carballiño FS: Sonia, Vanessa (3), Noelia (2), Joannette e Patricia, cinco inicial; tamén xogaron Anabel, Janet, Soraya (1) e María Jesús.
Panificadora del Eo-Ribadeo FS: Vanessa, Marta (1), Iria, María e Fátima (2), cinco inicial; tamén xogaron Arancha, Elvira, Sabela (2), Yoli e Eva.
Árbitros: Diego Fariñas Garrote e Sandra Gómez Iglesias (anotadora), da delegación de Ourense.
Provincial masculina. Os ribadenses métense de novo nos primeiros postos pola loita de ascenso a Autonómica, ao derrotar por 3-1 ao Becerreá, segundo clasificado. Os xogadores de Juan Antonio Fernández fixeron un partido moi serio en defensa e cunha contra letal, que só lles permitiu aos visitantes marcar o gol da honra nos momentos finais, cando os visitantes atacaban con porteiro-xogador.
Provincial feminina. Outra vitoria anotou a entidade mariñá co Xoula-Ribadeo FS, que venceu por 4-0 o seu rival de quenda, o FSF Guitiriz.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
