Nota de prensa:
O BNG SACOU ADIANTE UNHA MOCIÓN PARA A EXECUTAR O DRAGADO DA PRESA DE RÚA INCLUIDO NO PROXECTO INICIAL QUE A XUNTA ACTUAL SE NEGA AGORA A EXECUTAR
Raquel Arias anunciara esta obra o pasado día 5 de novembro nunha visita a Cervo cando non existe consignación orzamentaria para 2011
O BNG pídelle ao PP que se aclare e esixe a Balseiro que poña o seu voto ao servizo dos veciños de Cervo apoiando unha emenda nacionalista aos orzamentos 2011 para executar a obra
Cervo, 26 de novembro de 2010. O BNG sacou adiante no pleno de onte coa abstención do PP unha moción que esixía a consignación económica nos orzamentos 2011 para execución do dragado da presa de Rúa que o goberno da Xunta se nega a manter no proxecto de abastecemento aos concellos de Cervo e Burela como estaba inicialmente. Os nacionalistas criticaron os anuncios para a galería do PP que mediante a Delegada Provincial, Raquel Arias anunciaba nunha visita o cinco de novembro a execución desta obra mentres nos orzamentos autonómicos para 2011 non existe partida algunha para a súa execución. O portavoz municipal nacionalista, Xoán Estúa esixiu a Balseiro que poña o seu voto ao servizo dos veciños de Cervo e apoie unha emenda do BNG a estes orzamentos para a execución do dragado no 2011.
Non dragar a presa de Rúa provocará incrementos moi importantes no prezo da auga que pagará a cidadanía de Cervo e Burela.
Coa abstención do PP e o apoio da oposición municipal, o BNG sacou adiante no pleno de Cervo a iniciativa para que a Xunta consigne partidas económicas para a execución no ano 2011 do dragado da presa de Rúa, cunha capacidade diminuída nun 50% por acumulación de lodos, tal como estaba previsto no proxecto de abastecemento de auga aos concellos de Cervo e Burela. Os nacionalistas lembran que coa presa nesta situación dificilmente vai haber un abastecemento de calidade e por gravidade aos dous concellos polo que haberá que acudir a bombeos dende o pantano de Río Covo provocando un importante incremento no prezo do subministro. Xoán Estúa, portavoz municipal, “criticou o silencio do alcalde e a negativa a defender os intereses dos veciños e veciñas de Cervo diante da decisión da Xunta de non acometer a obra.”
Piden a Balseiro que poña o seu voto ao servizo dos veciños apoiando unha emenda do BNG aos orzamentos 2011 para executar a obra.
“Estúa pediu ao PP que se aclare” xa que, “mentres a Delegada Territorial da Xunta Raquel Arias anunciaba nunha recente visita a Cervo que esta obra se vai acometer, os orzamentos autonómicos non contemplan partida algunha para a súa execución”. Os nacionalistas pediron a Balseiro que corrixa esta situación, “vai ter ocasión de facelo apoiando unha emenda do BNG aos orzamentos 2011 para executar a obra do contrario estará poñendo por diante o interese persoal negando o dos seus propios veciños e veciñas”.
O PP negouse a apoiar o debate dunha moción de urxencia para protexer zonas residenciais no peirao de San Cibrao con perigo de derrube despois do paso do Becki.
Os nacionalistas instaban ao goberno local a facer xestións para aproveitar a obra que Portos de Galicia acometerá no peirao San Cibrao para repoñer a escollera executando medidas de protección e seguridade que eviten o perigo de derrube que corren actualmente estas vivendas. Os nacionalistas lembraron que para a reparación dos danos producidos “xa existe unha orde de axudas de carácter estatal que xa foi tramitada por algún dos propietarios”, “mais iso non quere dicir que dende o goberno galego non execute medidas protectoras fronte a futuros episodios meteorolóxicos adversos”
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
