Nota de Prensa
PACHI VÁZQUEZ ACUSA AO SERGAS DE PRIMAR CON MÁIS DIÑEIRO AOS MÉDICOS QUE DAN ALTAS PARA REDUCIR ASÍ AS LISTAS DE ESPERA
Pide a comparecencia de Feijóo na Cámara para dar conta da situación da sanidade pública, e esíxelle que deixe a práctica de primar aos médicos por alta
O PSdeG valora e respecta a profesionalidade dos médicos galegos, á vez que condena que se vexan sometidos a estas presións “inaceptables” por parte da Consellería de Sanidade que tentan alterar o seu criterio profesional
Acusa a Feijóo de ser o “verdugo” da sanidade pública e de darlle o “tiro de gracia” coa mesa de contratación do Hospital de Vigo que “regalará” aos seus amigos e que”condenará ao sur de Galicia a depender dunha empresa privada”
Santiago de Compostela, 24 de novembro de 2010.- O secretario Xeral do PSdeG e presidente do Grupo Parlamentario dos socialistas galegos, Pachi Vázquez, acusou hoxe ao Sergas de “perverter” a sanidade pública ao primar aos médicos con máis diñeiro polas altas que dan aos pacientes sen pedir probas complementarias, a fin de reducir así as listas de espera no Hospital da Costa, en Burela (Lugo), que son as máis elevadas de toda Galicia.
Así o denunciou na sesión de control do Parlamento, na que evidenciou que o Sergas está a propoñer aos médicos do Hospital da Costa un novo sistema de retribución das peonadas, consistente en pagar as consultas de dous xeitos distintos: unha cantidade de 20 euros por consulta ordinaria, que mantén ao paciente nas listas de espera para posteriores probas; e de 30 euros se o resultado da consulta é a alta do paciente, coa conseguinte baixa nas listas de espera.
“Despois de suprimir as peonadas, aumentando así as listas de espera, agora deciden convocar aos médicos a traballar pola tarde e propóñenlle pagarlles máis por cada alta médica que dean sen pedir probas complementarias”, denunciou Vázquez, quen se preguntou “qué pensará un paciente cando se sente ante o médico sabendo que o Goberno galego lle da unha prima por mandalo para casa”.
Vázquez esixiulle a Feijóo unha explicación ata en dúas ocasións na súa intervención “porque si isto é certo, alguén terá que saír cesado esta mañá desta cámara”, dixo, mentres que o presidente da Xunta non foi capaz de negar as afirmacións do líder socialista.
O PSdeG valora e respecta a profesionalidade dos médicos galegos, á vez que condena que se vexan sometidos, alomenos no caso do Hospital da Costa, a estas presións “inaceptables” por parte da Consellería de Sanidade que tentan alterar o seu criterio profesional.
Por elo, Vázquez pediulle formalmente a Feijóo “que compareza no vindeiro pleno para falar da sanidade pública ante o clamor en contra da súa privatización” e esixiulle o compromiso de “deixar de primar” aos profesionais do Hospital da Costa para reducir as listas de espera, porque “os médicos teñen que cobrar por curar aos pacientes, non por darlles a alta canto antes”, sentenciou.
Hospital de Vigo
Na súa intervención Vázquez lembroulle a Feijóo que “a privatización da sanidade non está na existencia de centros médicos privados, senón en coller o diñeiro que aportan todos os galegos e galegas ao sistema sanitario e darllo a empresas privadas, como no caso do Hospital de Vigo”.
“Hoxe vaille dar o tiro de gracia á sanidade pública coa mesa de contratación do Hospital de Vigo”, sinalou Vázquez, quen denunciou que o Goberno de Feiijóo “volve a abrir unha fenda entre o norte e o sur de Galicia, ao condenar a 600.000 galegos e galegas do sur da nosa comunidade a depender dunha empresa privada os vindeiros 23 anos”.
Criticou que nesta mesa de contratación Feijóo vai “regalar” a grupos empresariais amigos o novo Hospital de Vigo. “Un hospital que costa algo más de 370 millóns de euros, e que vostedes van adxudicar por 1.370 millóns. Esa é a sanidade pública do Goberno de Feijóo”, sentenciou.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
