Nota de prensa
A SALA DE EXPOSICIÓNS MUNICIPAL DE SARGADELOS ACOLLE A PARTIR DE MAÑÁ UNHA MOSTRA DO ARTISTA JUAN MANUEL LÓPEZ ROIBAL
* O acto inaugural terá lugar ás 13.30 horas e permanecerá aberta ao público ata o 15 de xaneiro
* A mostra está promovida polo colectivo “Os Aventados” e conta co patrocinio e colaboración da concellería de Cultura do Concello de Cervo
Cervo, 26 de novembro de 2010.- O Concello de Cervo a través da súa concellería de Cultura e en colaboración co colectivo “Os Aventados” abre a partires de mañá na sala de exposicións municipal de Sargadelos unha exposición coas obras de Juan Manuel López Roibal, artista coruñés vinculado á comarca da Mariña e a San Ciprián en especial.
A inauguración da mostra terá lugar mañá sábado, ás 13.30 horas e permanecerá aberta ao público ata o vindeiro 15 de xaneiro de martes a domingo en horario de 12.00 a 14.00 horas pola mañá; e de 16.00 a 20.00 horas en horario vespertino.
LÓPEZ ROIBAL
Primoxénito de catro irmáns e natural da Coruña, o imaxinario pictórico e a peripecia vital de Juan Manuel López Roibal ten como referencia, con todo, a Mariña lucense, e especialmente a vila mariñeira de San Ciprián e Viveiro -lugar no que fixou a súa residencia e desenvolveu a súa actividade profesional.
A súa primeira infancia transcorreu na cidade de Lugo. Alí comezou a interesarse por todas as artes e desenvolveu unha gran afección á música clásica e á ópera, esquecendo os habituais xogos infantís propios da postguerra para centrarse aos poucos na súa formación como diletante. Veraneando en Sada coa súa familia coñece ao pintor Francisco Lloréns, do que se converteu en asiduo acompañante nas súas horas de oficio pictórico. Con el aprendeu segredos da técnica e descubriu a súa verdadeira vocación. As súas primeiras experiencias cos pinceis plasmounas ao óleo sobre caixas de madeira de puros habanos. Xa con dezaoito anos e longas horas como autodidacta comeza en Santiago de Compostela a carreira de Medicina, sen abandonar en ningún momento a súa paixón pola pintura. Por aquel entón o SEU organizou un concurso-exposición para pintores universitarios. Juan Manuel pintou para a ocasión dous bodegóns: un repolo con verduras e unha cesta de vimbia con froitas. Gañou o primeiro premio. A crítica no xornal definiuno como un magnífico gañador e augurou ao autor un espléndido porvir como artista. Sen razón xustificable algunha, os organizadores do evento nunca devolveron ao pintor un dos bodegóns -ao seu xuízo o mellor-, e actualmente descoñécese o seu paradoiro.
Durante o transcurso dos seus estudos de Medicina continuou pintando ata que se especializou en Oftalmoloxía e trasladouse a Viveiro para exercer o seu labor profesional. Desa época data a súa produción máis numerosa e fértil e a súa primeira exposición na Asociación de Artistas da Coruña.
Todos os cadros daquela mostra vendéronse e a súa pintura foi acollida con gran entusiasmo. No entanto, lonxe de estimularlle para continuar por ese camiño, o éxito da súa exposición xeroulle unha gran saudade das obras vendidas. O resultado foi que, a pesar de continuar cunha considerable produción, nunca máis volveu organizar outra exposición e todas as obras das que se desfixo a partir de entón foron a parar a mans de familiares e amigos, de forma que sempre tivese a oportunidade de volver contemplalas.
En canto ao seu estilo e á súa temática, é xusto afirmar que nunca seguiu unha liña única e que, levado por unha inquietude constante, aventurouse a buscar a súa propia personalidade pictórica seguindo as correntes que en cada momento lle interesasen: realismo, impresionismo, surrealismo, expresionismo, etc. No entanto, quizá poida definirse a súa obra como a dun paisaxista expresionista, cunha gran liberdade á hora de combinar as cores e de introducir elementos contraditorios pero esteticamente atractivos e válidos. A súa pincelada é valente, grosa e aberta. Respecto dos temas cabe citar, ademais do mar, algúns retratos, bodegóns, a arquitectura popular, etc. Interesáronlle todo tipo de técnicas: óleo, lapis, acuarela, cera, carboncillo, esmalte e escultura, aínda que esta última en menor medida (unha das súas únicas creacións neste campo é o busto dunha dama tallado nunha vértebra de balea).
Nos dez últimos anos da súa vida dedicouse a cultivar outra das súas grandes paixóns: viaxar. Os seus destinos preferidos foron Rusia, Túnez e Exipto, cuxas culturas lle produciron unha fonda influencia e motivaron algunhas das súas creacións da época.
Faleceu na Coruña en 2004. O seu último cadro, realizado en formato pequeno, representa o mar aberto, un mar insondable e premonitorio.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
