Nota de prensa
A Deputación reparte preto de 100 toneladas de sal nas últimas horas para atender as incidencias por neve
– Máis de 40 operarios e máis de 30 máquinas están a traballar ininterrumpidamente para garantir a seguridade dos usuarios que circulen pola rede viaria provincial
– Arestora cómpre circular con precaución polas estradas de Cervantes, Pedrafita, Becerreá, Courel, Triacastela, O Incio e Navia de Suarna
A Deputación mantén despregado dende onte un amplo dispositivo para atender as incidencias ocasionadas polo temporal de neve que está a azotar a provincia, e que se prevé que continúe nas vindeiras horas. En total, están a traballar 42 operarios e 34 vehículos para garantir a seguridade dos centos de usuarios que circulen pola rede viaria provincial nestas datas. Os traballos céntranse fundamentalmente na retirada de neve que fixo un maior acto de presenza nos municipios da Montaña. Concretamente, en Pedrafita do Cebreiro, Folgoso do Courel, Cervantes, Becerreá, Triacastela, Navia de Suarna e O Incio.
Deste xeito, dende primeiras horas da madrugada estase a esparcir sal na calzada debido ás pracas de xeo que se formaron coa caída das temperaturas durante a noite. Nas últimas horas, repartíronse 96 toneladas.
As zonas máis afectadas
As empresas adxudicatarias do mantemento da rede viaria da Deputación están a actuar nas 8 zonas nas que o organismo provincial ten adxudicada o mantemento dos seus viais. Deste xeito, malia que non é necesario o uso de cadeas cómpre circular con precaución por 10 estradas. Son as seguintes: CP 5601, que vai de Seoane do Courel a Samos; CP 1306, que vai de Courel ó Incio; CP 1301, que enlaza Seoane con Pedrafita; CP 1303, de Seoane do Courel a Ferramulín; CP 1304 de Mostad por Romear a Casares, tamén en Seoane do Courel; CP 0702, que vai de Becerreá a Navia de Suarna por San Román de Cervantes; CP 1401, que comunica a LU-723, por Degrada ó Piornedo; CP 3505, de Navia de Suarna por Silvouta a Donís; CP 6201, que vai de Triacastela, por Alto da Albela a Guilfrei; e CP 0703, de Becerreá á Feira de Paradela.
Tendo en conta as previsións meteorolóxicas, a Deputación manterá en alerta o dispositivo despregado para atender as incidencias por neve e xeo que poidan xurdir na rede viaria provincial. No caso de que fose necesario, tamén se disporá dos efectivos e das máquinas do Parque Móbil.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
