Nota de prensa
O BNG PÍDELLE AO ALCALDE QUE LLES ESIXA ÁS EMPRESAS CONSTRUCTORAS DA A-8 QUE DEIXEN OS CAMIÑOS MUNICIPAIS EN PERFECTO ESTADO. ANTONIO VEIGA QUÉIXASE DO ESTADO NO QUE SE ATOPAN OS ACCESOS A SANTO ESTEBO DO ERMO E ÁS EIRAS.
Barreiros, 1 de decembro de 2010. O BNG pídelle ao alcalde que lles esixa ás empresas que están a construir a A-8 entre Barreiros e Vilamar que deixen os camiños municipais en perfecto estado. O portavoz, Antonio Veiga, lembra que os camións estiveron durante moitos meses empregando eses viais ocasionándolles moitos problemas aos veciños das zonas afectadas. Os nacionalista quéixanse do estado no que se atopan os accesos a Santo Estebo do Ermo ou ás Eiras.
Veiga Outeiro sinalou que “no BNG preocúpanos como van quedar os accesos á zona de Santo Estebo do Ermo, subindo desde Pozomouro, desde Estacaxugos. Dita zona é moi visitada durante o verán, é un lugar de referencia tanto a nivel paisaxístico, como cultural ou histórico. E para acceder desde a saída da autovía vemos que está bastante complicado, incluso hai que facer uso dunhas vías de servizo cunhas pendentes moi pronunciadas. É unha magoa que non se xestionara outro tipo de acceso, outro tipo de paso para esta zona que visita tanta xente”. Aos nacionalistas tamén lles parece unha mágoa que “desde o Partido Popular se deixase esmorecer aquela comisión de seguemento das obras da autovía, que se creou a instancias do BNG e que nun principio deu os seus froitos”.
O portavoz do BNG en Barreiros amósase preocupado polo estado dos accesos na zona das Eiras, “hai meses xa denunciáramos que quedaba cortado o chamado Camiño Real. Todo iso quedaba en función do acceso que ía ter o futuro Corredor da Costa, o futuro entronque que ía enlazar autovía e corredor. Pero a día de hoxe aínda non se artellou ningunha alternativa, polo que nos contestou o alcalde en pleno”.
Antonio Veiga tamén explicou que “fixemos moito fincapé desde o BNG en que agora que está rematando o tramo Barreiros-Vilamar e insistímoslle ao alcalde que non deixe escapar a posiblidade de arranxar tódolos camiños que as empresas que construiron a autovía empregaron durante todo este tempo, lóxicamente por algún lado tiñan que pasar, pero queremos que deixen os camiños en perfecto estado, non de calquera maneira. Porque os inconvintes que lles produciron aos veciños foron moitos durante estes anos nas parroquias de Vilamar, Celeiro e San Cosme, tiveron que sufrir moitos problemas para circular por viais, nalgúns casos de catro kilómetros”.
Desde o BNG anuncian que “con comisión de seguemento ou sin ela o Bloque Nacionalista Galego vai velar polos intereses do concello, polos intereses do veciños para que eses viais sexan reparados nas debidas condicións”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
