Nota de prensa
Roberto Varela asegura que as novas salas do Museo Catedralicio de Mondoñedo servirán para resaltar “os seus valores artísticos, históricos e culturais”
O conselleiro de Cultura e Turismo asistiu á inauguración das salas rehabilitadas pola S.A. de Xestión do Plan Xacobeo. Os traballos centráronse na remodelación dos espazos e o desenvolvemento dun proxecto museolóxico e museográfico
Segundo o conselleiro, “con esta acción queda patente a vocación de Consellería de Cultura e Turismo para traballar na mellora dos Camiños de Santiago e na revalorización do seu patrimonio histórico e cultural”
Mondoñedo (Lugo), 22 de decembro de 2010.- O conselleiro de Cultura e Turismo, Roberto Varela, asistiu hoxe á inauguración na catedral de Mondoñedo de tres salas do Museo Catedralicio e Diocesano do concello lucense, rehabilitadas pola S.A. de Xestión do Plan Xacobeo. Roberto Varela destacou a “nova presentación” do Museo da Catedral “froito dun proxecto museolóxico e museográfico encamiñado a destacar os seus valores artísticos, históricos e culturais”. O acto de inauguración celebrado esta mañá contou ademais coa presenza do bispo de Mondoñedo-Ferrol, Monseñor Manuel Sánchez Monge; o presidente do cabido da catedral mindoniense, Pedro Díaz Fernández, e o xefe do departamento de Exposicións da S.A. de Xestión do Plan Xacobeo, Francisco Singul.
Na súa intervención, Roberto Varela presentou a Catedral da diocese de Mondoñedo–Ferrol como “un valioso conxunto de escultura, pintura, ourivería e tecidos litúrxicos” e salientou as accións emprendidas pola Xunta de Galicia para “mellorar e recuperar unha serie de espazos anexos ao claustro, deseñouse unha nova formulación museolóxica para a colección e desenvolveuse ao longo de cinco salas unha museografía de calidade”. Segundo o titular de Cultura e Turismo, “con esta acción queda patente a vocación da Xunta de Galicia para traballar na mellora dos Camiños de Santiago en Galicia e na revalorización do seu patrimonio histórico e cultural”.
Este museo foi creado en 1968 e comezou a ser rehabilitado no 2004, nunhas salas que se sitúan no lado oriental do claustro e pódese acceder a el desde o interior da catedral. A S.A. de Xestión do Plan Xacobeo rehabilitou as salas seguintes, de maneira que o plan museolóxico puidese evolucionar no seu desenvolvemento. A historia e a arte da catedral mindoniense, así como a relixiosidade da diocese, a expresión do culto e o esplendor da liturxia entre a baixa Idade Media e a cultura barroca son as liñas mestras que están representadas no proxecto museolóxico. A adaptación deste discurso aos espazos obriga a unha evocadora viaxe no tempo, na que non hai unha lectura cronolóxica, senón que se busca a operatividade dunha mensaxe aberta e rica en suxestións. Os fondos do museo son de temática variada, entre os que se atopan esculturas de madeira policromada, pintura imaxinería gótica e ornamentos episcopais.
O Museo Catedralicio e Diocesano é, desde a súa inauguración no ano 1969, un dos máis importantes e representativos de Galicia. O inmoble está situado entre a catedral de Mondoñedo e o Pazo Episcopal. Este Museo posúe unha valiosa colección de arte. Entre os seus fondos expostos ao público destacan esculturas, pinturas e elementos litúrxicos que pertencen á baixa Idade Media e ao século XIX.
Os traballos levados a cabo pola S.A. de Xestión do Plan Xacobeo centráronse na remodelación dos espazos do museo anexos á catedral mindoniense. A inversión realizada permitiu o acondicionamento de tres salas e melloras noutras dúas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
