Nota de prensa:
O GMPP considera que o convenio coa Deputación “non vai ter un bó uso”.
Votan en falla actuacións fundamentais para o futuro de Burela.
O GMPP denunciou hoxe que “o convenio subscrito entre o concello e a Deputación cun importe de un millón de euros, a pesares de ser unha cifra importante, non vai ter un bó uso, porque o o destino de boa parte dos cartos podía ser outro, entre outras cousas para poñer as bases de proxectos de futuro”.
Así, os populares non dubidan en recoñecer que “é unha boa medida o derrubo da edificación existente entre Pascual Veiga e a Fontela, pero agora mesmo o concello non tén ningún solar propio de carácter dotacional, e non sería malo comprar algún para, por exemplo, poñer a disposición da Xunta para a construcción dunha nova gardería. Ese é un proxecto de futuro, e non cambiar farolas”.
Ademais, os populares lamentan a mal estado da rede viaria municipal dentro do casco urbano. “A contía que se destina á renovación do pavimento en certas rúas é escasa, e non vai a ser suficiente para que se manteñan en condicións óptimas para os próximos anos, dado que cos cartos previstos apenas se pode rexenerar un kilómetro de viais”.
En materia medioambiental e turística, algo mui invocado polo alcalde para xustificar a reposición de farolas, desde o GMPP lembran que “o deterioro das instalacións do Monte Castelo vai a máis, e indican que o bipartito comprometeuse ó seu cuidado; pois ben, o único que fixeron foi aproveitar o traballo de voluntarios de ALCOA que pintaron os bancos e as barandillas”.
Para os populares tamén resulta chocante que o alcalde non inclúa alomenos un dos dous proxectos estrela que manexou nos últimos tempos: a peatonalización de Pardo Bazán, o que demostra que efectivamente, tal e como afirmou o PP, usou a reunión cos veciños para facer o paripé, e o proxecto de separativos de augas pluviais, que el tanto pregonou. A non inclusión de ningún destes dous proxectos demostra hasta onde é capaz de chegar o alcalde na súa improvisación e a ausencia real de proxecto para Burela, se esteña de acordo ou non coas indicadas actuacións.
Por último, o GMPP considera que “este convenio é bon no fondo porque supón unha aportación de cartos de certa consideración, pero consideramos que, ademais de chegar tarde, só co fin de facernos ver que traballa quen durante estes tres anos e medio non fixo nada, trata de apuntalar a ineficacia do alcalde cun claro ánimo electoralista; non se pode esquecer que estamos a cinco meses da cita electoral de maio, e que o balance do alcalde redúcese a gastar dous millóns e medio de euros do Plan E que ainda non sabemos ben onde están e que beneficios vai reportar para os veciños e veciñas de Burela”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
