Nota de prensa:
Dende a Concellería de Xuventude do Concello de Lourenzá, queremos informar da CABALGATA DE REIS, actividade que nos servirá como “broche final” para pechar a PROGRAMACIÓN INFANTIL DE NADAL 2010/11.
A mencionada programación, dera comezo o pasado xoves, 23 de decembro, coa visita de Papá Noel ás instalacións do P.A.I. “Meniños”; así como ás dependencias do Concello, seguida do espectáculo de maxia “Nada na manga. Gusi: o mago sen sombreiro, no Salón de Actos da Casa da Cultura.
Ao longo dos días 27, 28 29 e 30 de decembro, os nenos/as puideron desfrutar das mañás vacacionais asistiendo a Obradoiros de temática navideña nas dependencias da Casa da Xuventude.
Na tarde de onte, luns, 3 de xaneiro, un total de 40 rapaces e rapazas do Concello, desprazáronse na compaña de monitoras, ata Lugo, onde aproveitaron unha xornada de diversión en “XUVENLUGO: Salón de Ocio”.
Finalmente, e como lle comentaba no encabezamento, na xornada de mañá, mércores 5 de xaneiro, todo este conxunto de actividades terá o seu remate coa celebración da tradicional Cabalgata de Reis, que percorrerá as principais rúas do Concello. A saída está prevista ás 18:00 horas, dende o Albergue de Peregrinos laurentino, situado na Praza da Gracia. Unha vez feito o percorrido da comitiva, as súas maxestades dirixirán unhas palabras (dende o balcón das Oficinas Municipais) aos presentes na Praza do Conde Santo; e, posteriormente, situaranse nos seus tronos, na escalinata de acceso ao Concello, onde farán entrega dun agasallo e lambetadas aos nenos que se acerquen a facerlles as últimas peticións.
Ao remate, contaremos co espectáculo de teatro de monicreques “Nadal no bosque” a cargo da Compañía TEATRO DO MIOLO, no Salón de Actos da Casa da Cultura.
Finalmente, dende a Concellería de Xuventude e o propio Concello, desexamos agradecer, expresamente, a colaboración das seguintes entidades (a través da doazón de agasallos e caramelos): SOGAMA, e.on, Nova Caixa Galicia, Caixa Rural Galega e Banesto.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
