Coa Deputación de Lugo, menos paro na provincia
Sen dúbida, unha das maiores preocupacións dos galegos e tamén dos lugueses e o emprego. Galicia encabeza as comunidades onde máis medrou o paro en termos absolutos -só por detrás de Castela León- e chegando a máximos históricos. Ademais, somos a 2ª comunidade que perdeu máis autónomos en 2010. Esta é unha situación alarmante, que se agrava aínda máis se temos en conta a ausencia de políticas da Xunta de Galicia, que é a administración con plenas competencias en materia de emprego, neste eido.
Precisamente, os Concellos nos que máis se disparou o paro están gobernados polo PP. A provincia pechou o ano 2010 cun incremento do paro do 10,32%. Destaca o de Muras, que pasou dos 18 parados en decembro de 2009 a 33 o pasado mes, polo que é o municipio coa peor estatística non só da provincia senón tamén de Galicia, cun 83,3% de parados máis.
Para paliar esta situación, na Deputación de Lugo fomos quen de xestionar de forma áxil un plan sen precedentes en Galicia. Trátase de Lugo Emprega, a través do que destinamos 8 millóns de euros para a contratación inmediata de 711 parados que realizarán traballos necesarios nos 66 Concellos da provincia. Por exemplo: labores de mantemento e mellora dos servizos municipais. Ademais, e isto é importante, o Plan non incrementa a débeda pública, dado que está financiado con fondos propios.
O éxito de convocatoria foi total. Ademais das solicitudes recibidas, no Servizo de Contratación produciuse unha auténtica avalancha de chamadas e mails interesándose polo procedemento designado para participar nas probas. En total, recibimos 2.407 solicitudes dos 57 Concellos de menos de 5.000 habitantes ou con menos de 500 parados, xa que no caso dos que superan este número, son as propias entidades locais as que se encargan da selección dos solicitantes.
O maior número de peticións produciuse nos Concellos gobernados polo Partido Popular. Por dar algún exemplo, Cervo, Xove e Lourenzá non baixan das 70 solicitudes.
Deste xeito, ponse de relevo o grande esforzo que estamos a facer para reducir o desemprego, cooperando ademais cos municipios que, nestes momentos, están a ter importantes problemas de liquidez. Senón fose pola Deputación, as entidades locais nunca poderían executar unha iniciativa destas caracterísiticas. Asumimos ó 100% dos custes salariais e mesmo os da indemnización por finalización do contrato. Mentres, o Concello tan só ten que aportar a roupa para os operarios e o material e as ferramentas necesarias para facer as obras. O 1 de marzo, como data límite, os desempregados estarán traballando nos Concellos.
Con esta iniciativa, o organismo provincial demostra unha vez máis que é unha administración útil e que soluciona problemas, non os crea. É dicir, con Feijóo máis paro e menos Galicia, mentres que coa Deputación menos paro e máis provincia.
Lara Méndez
Vicepresidenta Segunda da Deputación
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
