Nota de prensa
A Deputación elaborará en 2011 unha guía das experiencias turísticas da provincia
-Trátase da primeira iniciativa que se realiza en Lugo destas características e inclúese dentro do Plan Director de Turismo 2008-2011 creado polo organismo provincial
– A publicación ofrecerá unha visión da provincia no seu conxunto, xa que incluirá os principais recursos patrimoniais, arquitectónicos, naturais e culturais de todos os Concellos
– A guía engádese a outras inciativas desenvolvidas pola Deputación para impulsar o ecoturismo como o Galaico Expreso, o Barco Muralla de Lugo ou o autobús Lugo Terra
– A Vicepresidenta Terceira e o Alcalde de Lugo inauguraron o congreso de turismo “Destino Lugo”, no que expertos na materia de Europa e de España expoñen as alternativas de coordinación para unha maior promoción da provincia
A Deputación elaborará este ano unha guía que aglutinará as experiencias turísticas da provincia. Trátase da primeira iniciativa que se realiza en Lugo destas características e inclúese dentro do Plan Director de Turismo 2008-2011impulsado pola Deputaciónpara crear un sector coordinado e profesional, partindo da formación, sensibilización e unidade da sociedade, ó tempo que se lles ofrece servizos de calidade ós Concellos que lles permitan mellorar a súa oferta turística, tanto na concepción estratéxica do mesmo como no deseño de políticas de promoción e comercialización.
Este foi un dos anuncios realizados pola Vicepresidenta Terceira da Deputación, María Xosé Vega Buján, durante a inauguración do 1º Congreso de Turismo “Destino Lugo”, que se celebra dende hoxe no Salón de Actos da Deputación e no que prestixiosos representantes deste sector a nivel europeo están a analizar a situación pola que atravesa o turismo lugués. O aforo do Salón de Actos quedouse pequeno para acoller ás máis de 150 persoas que participaron no encontro, entre as que atoparon representantes do sector turístico público e privado de Lugo, ademais de Alcaldes e Concelleiros, representantes do sector da hostalería, casas de turismo rural, oficinas de turismo, restauración, fundacións comarcais ou empresas especializadas nesta materia.
O guía ofrecerá unha visión da provincia no seu conxunto, xa que incluirá os recursos patrimoniais, arquitectónicos, naturais e culturais de Lugo, ademais doutros puntos de interese como os clubes náuticos, centros de hostalería e casas de turismo rural.
Esta iniciativa engádese a outras desenvolvidas pola Deputación ó longo do ano, e que se enmarcan no ecoturismo. É o caso do Galaico Expreso, o tren que o organismo provincial ofreceu como alternativa ós catamaráns ante o baleiro do Sil que levou a cabo Iberdrola, e co que logrou pasar dos 1.500 visitantes á Ribeira Sacra durante 2009, ós 20.000 deste ano; o Barco Muralla de Lugo, a aula turístico medioambiental que está a percorrer o país e coa que, só durante a súa estancia durante o San Froilán de Barcelona, 50.000 persoas coñeceron a riqueza de Lugo; o Lugo Terra, o bus que promocionou a provincia por toda a península; ou a certificación medioambiental de 21 areais lucenses que converteu á Mariña na 3º costa de España co maior número de praias de auténtica calidade, avaladas pola Unión Europea.
Colaboración da iniciativa público-privada
Lugo é a provincia galega que experimentou o maior incremento do número de viaxeiros durante 2010 cun 16,19% fronte ó 14,45% da Coruña, o 9,8% de Pontevedra e o 3,6% de Ourense. Ademais, a maior parte dos Consellos Reguladores de Denominación de Orixe están en Lugo. Tendo en conta estas cifras, no encontro púxose de relevo a necesidade de elaborar un mecanismo composto pola iniciativa público e privada para impulsar o turismo na provincia e incrementar o número de visitantes. A este respecto, o Alcalde de Lugo, José López Orozco, subliñou que “Lugo é un proxecto de destino turístico, polo que é preciso un traballo común para ofrecer unha visión de provincia global na que apareza mar, montaña, a natureza pródiga do sur e a Muralla de Lugo como Patrimonio da Humanidade. Estamos no bo camiño. Hoxe é un día grande para Lugo e a provincia. Todos temos que empuxar o barco na mesma dirección”.
Desenvolvemento do encontro
Na sesión de hoxe expuxéronse as distintas experiencias de países tan punteiros en promoción turística como Inglaterra ou Finlandia, a través das ponencias dos directores de Desenvolvemento Turístico de Gran Bretaña, James Turner, e do Director da empresa encargada da organización de vendas do suroeste de Finlandia, Anne Marget Niemi de Turku. A segunda parte, consistiu nun debate no que profesionais e administracións implicadas no sector analizaron as distintas alternativas de coordinación para a promoción da provincia como destino turístico. No foro participaron a Vicepresidenta Terceira, María Xosé Vega Buján; os Presidentes do Padroado Provincial de Turismo e da Asociación Provincial de Empresarios de Hostalería de Lugo, Julio Álvarez e José María Real, respectivamente; a Presidenta da Asociación de Turismo Rural de Lugo Sur, Carmen Martínez; e o seu homólogo na Mariña, Manuel Vicente. O debate retransmitiuse en directo a través da páxina web de turismo da Deputación: www.lugoterra.com.
O encontro rematará o día 10 coa participación dos representantes deste sector de varias cidades españolas con ampla experiencia no tema como: Valladolid, Segovia, Palma de Mallorca e Barcelona.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
