Nota de prensa:
A FEMP pon á Deputación de Lugo como exemplo do que deben ser as administracións provinciais en España
– A Secretaria da Federación Española de Municipios e Provincias felicita a Gómez Besteiro polo traballo realizado ó longo dos últimos catro anos na implantación da administración electrónica e en materia de infraestruturas
– O Presidente participa no acto de presentación do “Libro Verde: Los Gobiernos locales intermedios en España”, organizado pola Fundación Democracia e Goberno Local e celebrado en Madrid
O Presidente da Deputación, José Ramón Gómez Besteiro, participou este luns no acto de presentación do “Libro Verde: Los Gobiernos locales intermedios en España”, organizado pola Fundación Democracia e Goberno Local e celebrado na Casa América, en Madrid. Durante o encontro, que estivo dirixido polo Presidente de dita Fundación e da institución provincial de Barcelona, Antonio Fogué, a Secretaria da Federación Española de Municipios e Provincias (FEMP), Isaura Leal, felicitou a Gómez Besteiro tanto polo traballo realizado ó longo dos últimos catro anos para a implantación da administración electrónica co Innova-TE –o programa máis ambicioso en tempo e prazos de Galicia, xa que garante a eadministración nos 51 Concellos adheridos antes do verán- como en materia de infraestruturas.
Ademais de ser a única distinción que fixo a unha institución provincial española durante a súa intervención, Leal subliñou que “por este motivo, la Diputación de Lugo es un ejemplo de lo que deben ser las administraciones provinciales en España”. Asimesmo, a Secretaria da FEMP puxo de relevo a necesidade de seguir mellorando as redes de cooperación cos Concellos para aumentar a produtividade e aforrar investimentos innecesarios.
Claves para aumentar a rendibilidade dos gobernos provinciais
O Libro Verde é unha diagnose sobre as Deputacións Provinciais e demais gobernos locais intermedios do Estado Autonómico que aporta unha serie de recomendacións para aumentar a rendibilidade dos gobernos provinciais. Deste xeito, configúrase como un instrumento sobre as perspectivas de futuro destas institucións e do resto de gobernos locais intermedios nacionais e como un medio para fortalecer a autonomía local e prestar mellores servizos ós cidadáns. Esta diagnose está acompañada dun decálogo de recomendacións que van dende a aposta por un espazo competencial e un sistema de financiamento propios ou a mellora dos procesos de xestión a través das tecnoloxías da información e da comunicación e a optimización de recursos.
No acto, que contou coa presenza dunhas 100 persoas, ademais dos Presidentes das Deputacións de Lugo e Barcelona, tamén participaron os responsables dos organismos provinciais de Coruña e Ourense, Salvador Moreda e José Luis Baltar, respectivamente, e numerosos responsables dos distintos gobernos intermedios, así como o Secretario de Estado de Política Territorial, Gaspar Zarrías Arévalo, e o Vicepresidente da Comisión de Deputacións da FEMP, Ramiro Ruiz Medrano.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
