Nota de prensa
CUN TALLER DE MAQUILLAXE E MÁSCARAS ARRINCA O VINDEIRO DOMINGO O ANTROIDO EN BURELA. O CONCELLO REPARTIRÁ 3.000 EUROS EN PREMIOS NO DESFILE DO 8 DE MARZO.
Burela, 24 de febreiro de 2011. Cun taller de maquillaxe e máscaras arrinca o vindeiro domingo o antroido en Burela, segundo ven de anunciar a concelleira de Cultura, Neves Cando.
A edil nacionalista explicou esta mañá que “este domingo, 27 de febreiro, comeza o antroido en Burela cun taller de maquillaxe, máscaras e disfraces, organizado pola sociedade cultural Ledicia e dirixido a todos os nenos e nenas de Burela que queiran aprender a prepararse para o antroido. Terá lugar de cinco a oito da tarde no local social de Ledicia”.
Neves Cando dixo que “despois continuaremos os días 3 e 4 de marzo cun obradoiro de doces de antroido impartido pola asociación de amas de casa de Burela e que se desenvolverá no seu local durante a tarde desas dúas xornadas. Trátase de aprender a preparar rosquillas, orellas, filloas e buñuelos e está dirixido a todos os públicos, desde os máis pequenos ata os maiores que queiran aprender a cociñar estas delicias do antroido”. Os interesados en participar nesta cita deberán anotarse no Concello.
A concelleira de Cultura engadiu que “ese mesmo venres, 4 de marzo, haberá a partires das dez da noite unha cea-baile organizada pola comisión das festas patronais de Burela. O domingo 6 é o día adicado aos nosos maiores, que poderán disfrutar dunha chocolatada durante o baile que se desenvolve na antiga praza de abastos. O luns 7 a partires das nove da noite haberá un percorrido polas nosas rúas das charandas de Burela, A Pataqueirada e O mellor da cada casa e a continuación verbena na praza da Mariña a cargo da orquestra Océano”.
O martes, 8 de marzo, é o día grande do antroido en Burela, “é o día do desfile que desde as cinco e media da tarde percorrerá as rúas da vila desde a rúa do Ril ata a praza da Mariña. Repartiremos coma todos estes anos 3.000 euros en premios entre as categorías infantil e adulto e pódese participar en carrozas, en grupos, en parellas ou de maneira individual. E xa remataremos o mércores 9 de marzo co enterro da sardiña, a comitiva fúnebre sairá do Campón ás oito e media da tarde e rematará o seu percorrido na praia do Portelo”.
Cando lembrou que “este ano por primeira vez todos estes actos do antroido serán anunciados nun cartel elaborado por tres rapazas de Burela, que resultaron gañadoras da votación popular que se levou a cabo entre todos os carteis presentados ao concurso que convocamos a tal efecto”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
