A cita, que conta colaboración do Concello, será os días 17 e 18 de xullo, na Praza dos Campos
Cervo, 6 de xullo do 2026. O Concello de Cervo volverá converterse neste mes de xullo nun punto de encontro para a música e a danza tradicional coa celebración do Festival Folklórico Internacional e do *Festival Folklórico Infantil, organizados polo Grupo Folklórico Mistura de Lieiro en colaboración co Concello.
A Praza dos Campos de San Cibrao será o escenario de dúas xornadas nas que o público poderá gozar de actuacións chegadas de diferentes puntos da Península e tamén doutros países, nunha cita xa consolidada dentro da programación cultural do verán cervense.
A programación abrirase o venres 17 de xullo, ás 20:00 horas, co Festival Folklórico Internacional, que reunirá sobre o escenario á Agrupación Folklórica La Sidrina, de Lugones (Asturias), ao Grupo Folklórico Estampas de México e ao Grupo Folklórico Mistura de Lieiro, anfitrión do encontro e encargado de pechar a primeira xornada.
O sábado 18 de xullo, a partir das 19:00 horas, será a quenda do Festival Folklórico Infantil, unha cita que pon o foco no relevo xeracional e na promoción da cultura tradicional entre a mocidade. Nesta edición participarán a Asociación Folklórica Ledaiña de Bagoas da Terra, de Viveiro; o Grupo Folklórico O Feitizo, de Foz; e o Grupo Folklórico Mistura de Lieiro, que clausurará tamén esta segunda xornada.
A cita foi presentada pola alcaldesa de Cervo, Dolores García Caramés, acompañada por membros do Grupo Folklórico Mistura de Lieiro, que destacou o traballo realizado para facer posible unha nova edición destes festivais, convertidos xa nun referente do calendario cultural estival do municipio.
A alcaldesa quixo agradecer o esforzo da organización, salientando que “o labor que desenvolve Mistura durante todo o ano é fundamental para conservar e transmitir o noso patrimonio inmaterial, facendo posible ademais un festival que achega a San Ciprián agrupacións de diferentes lugares e favorece o intercambio cultural”.
A rexedora destacou tamén que “estas citas son unha excelente oportunidade para seguir impulsando a cultura tradicional, dinamizar a vida social e económica do municipio e ofrecer tanto á veciñanza como ás persoas que nos visitan un espectáculo de gran calidade no que a música e a danza se converten na mellor carta de presentación de Cervo”.
O Concello anima á veciñanza e aos visitantes a achegarse á Praza dos Campos para desfrutar destas dúas xornadas de folclore, que servirán ademais como broche final das Festas do Carme de San Cibrao, pechando a programación festiva cunha proposta que aposta pola tradición, a convivencia e o intercambio cultural.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
