Nota de prensa:
ALFONSO FUENTE CONSIDERA UNHA BOA NOVA PARA O CONCELLO A POSTA EN MARCHA DOS DOUS TRAMOS DA A-8, QUE INAUGURA ESTA TARDE O TITULAR DE FOMENTO. O REXEDOR PEDIRALLE AO MINISTRO QUE NON SE ESQUEZAN DE PAGARLLES AS EXPROPIACIÓNS PENDENTES AOS VECIÑOS DE CELEIRO DE MARIÑAIS E DE VILAMAR.
Barreiros, 4 de febreiro de 2011. O alcalde de Barreiros, Alfonso Fuente, considera unha boa nova para o concello a posta en marcha dos dous tramos da A-8, que inaugura esta tarde o titular de Fomento, José Blanco. Fuente Parga pediralle ao ministro que non se esquezan de pagarlles as expropiacións pendentes aos veciños de Celeiro de Mariñaos e de Vilamar.
O rexedor dixo que “a inauguración hoxe destes tramos para Barreiros é unha boa nova, porque todo o tráfico que pasaba pola N-634 ao pé dos núcleos de poboación e das casas discorrerá agora pola autovía. Celeiro de Mariñaos e Vilamar soportaban unha grande carga de tráfico e agora os seus veciños poderán estar e vivir máis tranquilos ao reducirse o paso de vehículos por esa zona”. Alfonso Fuente sinalou que “agora non podemos lembrarnos dos retrasos, senón que hai que pensar que dous novos tramos da autovía se poñen en marcha. No obstante, como viñemos manifestando estes días desde o Concello, non queremos que Fomento se esqueza de pagar esas expropiacións aos veciños de Celeiro, de Vilamar e incluso temos algún caso en San Cosme”.
O alcalde de Barreiros aproveitará esta tarde “para lembrarlle a José Blanco que levamos máis de tres anos esperando pola cesión da N-634 ao paso polo noso concello, cesión que temos pedida para que se fagan as obras necesarias e que se aporten as cantidades que hai que aportar e se ceda esa vía, que pasará a ser local. Queremos que axilicen eses trámites e poidamos actuar nalgúns puntos desta nacional”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
