Nota de prensa:
O CONCELLO SÚMASE AO APAGÓN XERAL CONVOCADO PARA ESTA NOITE COMO MEDIDA DE PROTESTA CONTRA A SUBA DAS TARIFAS ELÉCTRICAS
o O alcalde anunciou o corte no fluído eléctrico de varios tramos dos alumeados de Cervo e San Ciprián durante cinco minutos
Cervo, 15 de febreiro de 2011.- O Concello de Cervo apoia o apagón xeral de electricidade nos fogares do Estado durante cinco minutos convocado para hoxe, 15 de febreiro, Día do Consumidor, ás 22.00 horas, contra a subida abusiva das tarifas de la luz.
O alcalde, Alfonso Villares, anunciou que o consistorio secundará esta noite devandita mobilización mediante o apagado durante cinco minutos (de 22.00h. a 22.05h.) do alumeado público en varios tramos dos núcleos de Cervo e San Ciprián. O rexedor fixo un chamamento á cidadanía para que participen neste acto de protesta organizado por diversos colectivos veciñais de todo o Estado.
315.000 euros ó ano
O alcalde argumentou esta decisión do equipo de Goberno local dando a coñecer o gasto que supón para as arcas municipais estas subas desmedidas impostas unilateramente polo Goberno do Estado nos últimos 48 meses. “Pasamos de ter un gasto no 2008 de 248.000 euros a ter que afrontar no 2010 o pago de aproximadamente 315.000 euros. Ou o que é o mesmo: 67.000 euros de suba no subministro enerxético en dous anos que teñen que pagar todos os veciños de Cervo mediante os seus impostos. E non porque haxa máis puntos de luz, se non máis ben todo o contrario; porque dende o Concello levamos traballando arreo para diminuír o consumo enerxético mediante a substitución dos vellos alumeados por outros de baixo consumo” indicou Villares.
Villares Bermúdez asegurou que estas cifras eran “suficientemente esclarecedoras” das dificultades económicas que teñen que afrontar actualmente os veciños e as pequenas Administracións, e recalcou que a esta suba hai tamén que engadirlle o recorte na aportación de recursos económicos por parte do Goberno central á Facenda municipal. “Esta é a realidade que temos hoxe en día e queremos que a coñezan todos os veciños e veciñas do Concello de Cervo. Por iso, instamos ao Goberno do Estado a que deixe de subir o recibo da luz e conxele o seu prezo de forma urxente; xa que este ben de primeira necesidade aféctanos directamente a toda a poboación, vai en detrimento da competitividade das nosas empresas e coarta ás nosas expectativas de creación de emprego”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
