Nota de prensa:
A elite nacional de surf fará de embaixadora da Mariña luguesa
-Os mellores surfistas nacionais daranse cita na Mariña ós días 11, 12, 13 de marzo no “Km0 Surf-Camp Deputación de Lugo”, co fin de promocionar ó exterior a costa luguesa e dar a coñecer o seu potencial turístico e deportivo
-Os campións protagonizarán un campamento medioambiental gratuíto para todos os públicos e idades que inclúe: ensinar a surfear a todos os interesados con préstamo de material sen custe algún, facer un treito do Camiño da Costa para reivindicar o seu recoñecemento, etc.
O Presidente da Deputación, José Ramón Gómez Besteiro, presentou este xoves en Ribadeo “Km0 Surf-Camp Deputación de Lugo”. Trátase dun evento que reunirá á elite española de surf na Mariña os días 11, 12, e 13 de marzo para facer de embaixadores da costa lucense, e que ten por obxectivo impulsar ó exterior esta zona mediante a posta en valor da súa riqueza medioambiental, turística e o deporte. Para elo, a Deputación conseguiu a adhesión dos mellores profesionais de surf español, moitos deles campións europeos, que participarán en todas as actividades: os galegos Gony Zubizarreta, Jaji Iglesias e Pablo Romero; ademais de Kepa Acero, Jonathan González, Pablo Solar, Iván Vilalba, David Sastre, Pablo Guitérrez, Hodei Collado, Adur Letamendía e Indar Unanue.
Gómez Besteiro, que estivo acompañado polo organizador do evento e propietario do establecemento ribadense “Hola, ola”, David Martínez, salientou que “esta é unha forma nova e imaxinativa de impulsar a Mariña no inverno conseguindo desestacionalizar a promoción dos máis de 100 quilómetros de costa”. Membros do clube “Surfiños” de Foz tamén colaboran con esta iniciativa.
As actividades, abertas ó público de calquera idade e totalmente gratuítas, comezarán a desenvolverse ó venres, 11 de marzo, ás 18:00 horas, coa presentación do evento e dos participantes no Hotel Fogar do Mariñeiro de Ribadeo. O sábado 12, ás 10:00 horas, os deportistas, xunto con todas as persoas que o desexen, farán unha demostración de surf buscando os xiros máis espectaculares
–denominada Expression Session- que terá lugar nas praias de Ribadeo. O mar condicionará os lugares do encontro polo que, días antes, a web oficial do campamento informará puntualmente de cada localización: km0surfcamp.deputacionlugo.org. Tamén a Deputación ten aberto outro canal na rede social máis popular en España para recoller comentarios do evento: www.facebook.com/km0surfcampdeputacionlugo.
Ese mesmo sábado, ás 14:00 horas, os deportistas farán unha visita para promocionar a Praia das Catedrais –o segundo lugar máis visitado de Galicia despois da Catedral de Santiago-, e ás 17:00 horas realizarán un treito do Camiño da Costa, partindo dende a Illa Pancha, co fin de apoiar á Deputación no recoñecemento desta ruta peregrina.
Ás 18:30 horas, chegará o momento da demostración de wake-surf nocturno na ría de Ribadeo para, as 21:30 horas, entregar os galardóns da exhibición de surf e dar paso a unha festa surfera no local Ribazo de Ribadeo con proxección de vídeos da costa luguesa. O domingo, 13 de marzo, a praia da Rapadoira de Foz será escenario dunha nova sesión de surf a partir das das doce da mañá ata o mediodía. Todos os interesados en participar que non dispoñan de equipamento, poderán reservalo de xeito gratuíto chamando con antelación ó 982-120-064.
Os surfistas chegarán acompañados de blogueiros e prensa especializada, polo que a promoción da Mariña está asegurada.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
