Nota de prensa
O Goberno galego investirá 8 millóns de euros na execución deste proxecto
A XUNTA SOMETE A INFORMACIÓN PÚBLICA O NOVO PROXECTO DE ACCESO AO PORTO DE BURELA E DESBLOQUEA UNHA ACTUACIÓN QUE LEVA CASE CATRO ANOS PARALIZADA
* O novo trazado mellora o anterior porque se adapta ao planeamento urbanístico e opta por cruzar a liña de FEVE baixo a vía
* Ademais, a actuación terá un menor impacto visual e paisaxístico xa que o trazado irá practicamente en desmonte en lugar de discorrer por terraplén.
* O departamento autonómico é consciente da relevancia de mellorar este acceso, xa que o porto de Burela é un dos de maior volume de operacións dentro dos portos adscritos á Comunidade Autónoma de Galicia
* O novo vial terá 1,2 km e enlazará a Avenida Arcadio Pardiñas coa Avenida da Mariña na zona portuaria, á altura da nova lonxa.
* En relación a estruturas, o proxecto contempla a disposición dun paso inferior baixo o FEVE e muros para contención do vial e estabilizar os taludes
* O presente proxecto beneficiará directamente aos máis de 9.500 habitantes do Concello de Burela
Santiago, 9 de marzo de 2011.- A Consellería de Medio Ambiente, Territorio e Infraestruturas publica hoxe no Diario Oficial de Galicia (DOG) a resolución pola que se somete ao trámite de información pública o novo proxecto de acceso ao porto de Burela. Tamén se publica a relación de bens, dereitos e propietarios afectados polo proxecto referenciado.
O Goberno galego, mediante a publicación desta resolución no DOG, avanza nos trámites precisos para a execución desta infraestrutura, desbloqueando esta actuación tras catro anos paralizada. A Xunta de Galicia, a través da Dirección Xeral de Infraestruturas, realizará unha achega económica de máis de 8 millóns de euros para a execución deste proxecto.
O expediente de adxudicación dos traballos para a redacción do proxecto de trazado e construción do acceso ao porto de Burela iniciouse en marzo de 2006. A Xunta convocou un concurso aberto para a contratación da actuación, adxudicándose finalmente a UTE Comsa S.A- Asogal Construcciones S.L en 2007. Este proxecto inicial, sen embargo, incumpría o planeamento vixente, polo que foi obxecto dun recurso que paralizou as obras.
Co obxectivo de resolver estes inconvintes, o novo proxecto elaborado pola actual consellería mellora o anterior porque se adapta ao planeamento urbanístico e opta por cruzar a liña de FEVE baixo a vía (no proxecto orixinal realizábase con paso superior). Ademais, a actuación terá un menor impacto visual e paisaxístico xa que o trazado irá practicamente en desmonte en lugar de discorrer por terraplén.
Descrición do proxecto
O actual acceso á zona portuaria realízase polo centro do núcleo urbano, coas molestias e a perigosidade que isto supón tanto para os usuarios do peirao como para o propio núcleo de Burela. O Goberno galego é consciente da relevancia de mellorar este acceso, xa que o porto de Burela é un dos de maior volume de operacións dentro dos portos adscritos á comunidade autónoma de Galicia.
Co desenvolvemento destas definirase un viario que permitará unha nova canalización do tráfico rodado derivado da actividade que produce o porto de Burela, onde se facilitará e axilizará o tránsito pesado a dito porto, reducindo os riscos e distorsións ambientais que conleva o paso deste tipo de vehículos polo casco urbano.
O novo vial enlazará a Avenida Arcadio Pardiñas coa Avenida da Mariña na zona portuaria, á altura da nova lonxa.
O novo vial ten a súa orixe no pk 0+000 e finaliza no pk 1+260, tendo unha lonxitude de 1,2 km. O novo acceso discorre entre o acantilado e a liña do FEVE, cruzándoa aproximadamente no pk 0+920. A infraestrutura conta cunha sección transversal con dous carrís de 3,50 metros e dúas beiravías dun metro.
A zona obxecto das obras correspóndese cuns terreos pouco accidentados, que están limitados ao este por un acantilado dun 30 metros de altura e ao suroeste pola liña de FEVE.
A obra discorre fundamentalmente en desmonte, excepto no tramo final onde a glorieta na intersección coa Avenida de Arcadio Pardiñas supón un recheo de pouca entidade.
A xeometría da estrada está totalmente condicionada pola orografía da zona e a presenza da liña do FEVE, de tal xeito que o vial proxectado está completamente encaixado entre o acantilado e a liña de ferrocarril.
No que se refire a estruturas, o proxecto de acceso comprende as seguintes:
* Paso inferior baixo o FEVE. Sitúase entre os pk 0+856 e 0+946
* Muros pantalla de pilotes entre os pk 0+821 e 0+856 e entre os pk 0+946 e 0+980, como prolongación do paso inferior baixo a liña do FEVE para evitar que os derrames de terras invadan a liña
* Muro pantalla de pilotes anclados ao terreo entre os pk 0+450 e 0+510, para contención do propio vial
* Muro pantalla de pilotes anclados ao terreo entre os pk 1+060 e 1+120, para evitar a afección á estrada nacional
* Muros de escollera en zonas puntuais para garantir a estabilidade de taludes
As unidades principais de obra centraranse na escavación de 169.621 metros cúbicos e o estendido de mestura bituminosa en quente. O proxecto tamén inclúe traballos de restauración e acondicionamento paisaxístico, restauración de patrimonio histórico, drenaxe lonxitudinal e transversal e sinalización horizontal e vertical.
O presente proxecto beneficiará directamente a unha poboación de máis de 9.500 habitantes do Concello de Burela. A poboación vese incrementada debido ao emprego que xera o porto e a afluencia turística que se xera sobre todo na estación de verán.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
