Nota de prensa
A XUNTA OFRECE 160 PRAZAS EN ALBERGUES XUVENÍS DE LUGO PARA A REALIZACIÓN DE ROTEIROS DURANTE AS FINS DE SEMANA DE ABRIL E MAIO
O programa, dirixido á mocidade, desenvólvese en centros da provincia por primeira vez e oferta actividades ás beiras do Miño e no entorno de Pambre
Lugo, 7 de abril de 2011.- A Consellería de Traballo e Benestar oferta 160 prazas no albergue Benigno Quiroga, en Portomarín, e no complexo xuvenil Lug II, na capital lucense, dentro da iniciativa Roteiros para a xuventude, a desenvolver durante as fins de semana de abril e maio.
O proxecto, dirixido a mozos e mozas de entre 18 e 35 anos e que conta con actividades en centros da provincia de Lugo por primeira vez, propón saídas de fin de semana por rutas de sendeirismo e itinerarios culturais, actividades náuticas e de multiaventura, e visitas para coñecer o noso patrimonio natural, arqueolóxico e etnográfico.
Contempla dez propostas a realizar en diversos concellos das catro provincias galegas, dúas delas en Lugo: Ás beiras do pai Miño e En terras de Pambre. Esta última é precisamente a que inaugura as actividades este mes, cos primeiros grupos participantes.
A delegada territorial da Xunta, Raquel Arias, valorou este programa “que supón unha opción atraínte de ocio saudable e alternativo para a mocidade”, ao tempo que “dinamiza o turismo e, en concreto, o emprego en empresas de tempo libre e multiaventura”.
Así, destacou que “cada ano máis de mil mozos e mozas son contratados por estas empresas para traballar como monitores na Campaña de Verán da Consellería de Traballo e Benestar”, e que programas como estes Roteiros para a xuventude “así como outros que pon en marcha a Dirección Xeral de Xuventude, como Xuventur Neve ou o programa de turismo rural, tamén en marcha neste momento, contribúen a desestacionalizar o emprego no sector, mantendo a actividade durante o resto do ano”.
Programa de actividades
En terras de Pambre oferta actividades de sendeirismo, escalada, tiro con arco, sendeirismo acuático, cicloruta, veladas dramatizadas e xogos de rol. Distribuídos en grupos de 20 persoas durante as próximas fins de semana -ata o 1 de maio, a excepción da Semana Santa-, os participantes terán ocasión de realizar unha ruta en bicicleta polo Pambre, con visita ao balneario e ao castelo; facer sendeirismo polas marxes do Mácara; escalada no rocódromo e tiro con arco.
Así mesmo, visitarán o Mosteiro de Vilar de Donas e realizarán rutas de orientación con GPS deportivo. Haberá tamén tempo para a observación de estrelas e de paxaros e para realizar xogos de rol cos que o grupo tomará contacto por vez primeira á súa chegada, o venres pola tarde.
Os participantes neste programa aloxaranse no complexo xuvenil LUG II, mentres que o albergue xuvenil Benigno Quiroga acollerá aos mozos e mozas inscritos no programa Ás beiras do pai Miño que se desenvolverá durante as fins de semana do mes de maio.
Oferta actividades de sendeirismo, piragüismo, rutas en bicicleta ou veladas dramatizadas, entre outras. Como é habitual, o encontro comeza con diversos xogos de rol o venres pola tarde.
O sábado pola mañá os participantes realizarán unha excursión náutica polo Miño con visita a Portomarín na zona do cemiterio vello. Pola tarde, unha excursión acuática e fotográfica, con observación de paxaros, polas marxes do río Miño e achegamento ao Mosteiro de Santa María do Loio. Complétase o programa cunha ruta en bicicleta o domingo pola mañá e o posterior xantar.
Os interesados en participar nalgún dos programas poden reservar praza chamando aos teléfonos 981.545.937/702/822, 981.541.689 ou 981.544.869. A cota de inscrición é de 60 euros para os posuidores do carné xove e de 80 euros para o resto.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
