Nota de prensa:
Máis de 20 empresas e organismos interésanse polas axudas do Goberno central para novas tecnoloxías
– Participaron na xornada que organizou a Deputación para informar do Plan Avanza 2, destinado a favorecer a través das TIC o incremento da competitividade e a produtividade, recortar custes e xerar novas ideas empresariais
– O programa do Ministerio de Industria está dotado de 682 millóns de euros e del pódense beneficiar empresas, organizacións empresariais e entidades sen ánimo de lucro
Representantes de 22 empresas e institucións da provincia asistiron este martes á xornada informativa que a Deputación de Lugo organizou para dar a coñecer as axudas que o Goberno Central concederá a través do Plan Avanza 2, encamiñadas a impulsalas Tecnoloxías da Información e a Comunicación (TIC). O organismo provincial quixo favorecer deste xeito que o tecido empresarial teña cumprida información ó respecto para que se poida beneficiar do programa, dotado con máis de 682 millóns de euros. Coa iniciativa tamén se tratou de promover os contactos e as relacións entre as empresas de Lugo.
O Ministerio de Industria, Comercio e Turismo pretende coa posta en marcha do Plan Avanza 2 contribuír ó cambio de modelo económico en España a través das TIC, pois estas tecnoloxías xeran un incremento da competitividade e a produtividade, axudan a recortar custes e constitúen un bo instrumento para materializar novas ideas empresariais.
Na xornada de hoxe, a Deputación -que organizou a sesión a través do Centro de Innovación Social In Lugo e do centro de asesoramento empresarial Innova Empresa- expuxo que Industria concederá a través deste programa subvencións e/ou préstamos (neste último caso a un interese do 1,19%) para desenvolver accións e proxectos cos seguintes obxectivos: incrementar o uso avanzado de servizos dixitais, desenrolar as capacidades tecnolóxicas do sector TIC, promover a incorporación das tecnoloxías da información nas empresas, fortalecer o sector de contidos dixitais e desenvolver as TIC verdes.
A maior parte do orzamento da convocatoria de axudas, publicada no Boletín Oficial do Estado (BOE) o 30 de marzo, está destinado a programas nos que teñen un papel protagonista as Pequenas e Medianas Empresas (Pemes), un 150% máis ca en 2010.
Máis actividades de In Lugo
O Centro de Innovación Social segue coa súa programación de actividades para achegar as novas tecnoloxías á sociedade lucense, contribuíndo así a eliminar a fenda dixital, fomentar o envellecemento activo e impedir o illamento dos veciños da provincia. Esta semana continúa na Fonsagrada o curso itinerante de fotografía dixital, no que participan 14 persoas e que se impartirá hasta este venres, de 19:00 a 21:00 horas. No núcleo de Xustás, en Cospeito, desenvolvéronse tamén entre o luns e hoxe mércores unhas xornadas sobre iniciación á informática, ás que asistiron 8 persoas.
Pola súa banda, nas instalacións de In Lugo ofrécense ó longo desta semana catro obradoiros: de ofimática básica, con 13 inscritos; alfabetización informática, con 16 participantes; para aprender a usar o teléfono móbil, no que se anotaron 8 persoas; e “Lembranza Fotográfica”, no que os 5 asistentes elaborarán o seu propio blog con fotos antigas e actuais. Ademais, o sábado seguen as xornadas que mostran a empresarios e emprendedores como posicionar os seus negocios nas redes sociais. Contan con 20 participantes e terán lugar de 10:00 a 14:00 horas.
Afectarán aos seguintes servizos: Piscina: pechada. Duchas dos vestiarios: pechadas. Ximnasio e actividades en seco: abertos no horario habitual. O Concello agradece a comprensión da cidadanía.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
