Nota de prensa
www.sdburela.es
I TORNEO DE FÚTBOL-7 CONCELLO DE BURELA
RESUMO I TORNEO DE FÚTBOL-7 CONCELLO DE BURELA
A primeira edición do torneo de fútbol sete que organiza a SD Burela
en colaboración co Concello de Burela conseguiu un grande éxito. O
novo campo de herba artificial foi o lugar de reunión de numerosos
afeccionados e xogadores ao longo dunha xornada deportiva e lúdica
para os máis pequenos.
No total das tres categorías o Santiago de Foz proclamouse vencedor
logo dun grande xogo en todas elas ao vencer aos participantes da
SD Burela.
Os primeiros en saltar ao terreo de xogo, alá por as once da mañá do
domingo, foron os benxamíns do Burela e do Santiago de Foz (2-0
para os verdes). No campo dous vencerían por seis goles a cero os
prebenxamíns da SD Burela ao SD Ribadeo. Tras estes partidos
xogarían os alevins da SD Burela nun novo enfrontamento contra o
Santiago de Foz, con vitoria para os nosos veciños, e o segundo
equipo da SD Burela caería derrotado ante o ED Lourenzá. O segundo
equipo benxamín da entidade debutou despois en duelo directo
contra o Santiago de Foz que venceu por 5-1. Nesa mesma hora
xogaron o Santiago de Foz e o Ribadeo en prebenxamíns (gañaron os
focegos por un avultado 13-0) A xornada de mañá finalizaría cun
dobre duelo de alevins entre a SD Burela A contra a ED Lourenzá,
reedición do campionato da Mariña de fútbol 7 alevin, ( venceron os
verdes) e un partido entre o alevin b da SD Burela e o Santiago de
Foz (con resultado a favor dos focegos).
Tras un descanso, a actividade volvería a comezar as 16:00 horas
con dous emocionantes partidos entre os dous equipos da SD Burela,
(4-4) e un gran de partido de prebenxamíns entre o equipo local e o
Santiago de Foz (vitoria para os locais por dous goles a un). Acto
seguido sería a última xornada de alevins, con dobre enfrontamento
entre o Lourenzá e o Santiago de Foz de categoría alevin, onde
tamén se xogaría un enfrontamento entre os dous equipos da SD
Burela alevin con vitoria para focegos e o primeiro equipo da SD
Burela.
Na quenda de finais producíronse tres enfrontamentos entre a SD
Burela e o Santiago de Foz. Na primeira final o Santiago de Foz
vencería ao SD Burela benxamín A cun brillante xogo entre ambos
equipos. Acto seguido sería a final dos máis pequenos da competición
entre a SD Burela e o Santiago de Foz. Os rapaces de Cristian Fustes
demostraron unha magnífica evolución de xogo e superioridade física
ante os locais, que en ningún momento tiveron opcións de gañar a
final, e caeron derrotados por 0-3. Para rematar, o primeiro equipo
da SD Burela alevin mediríase ao equipo da AD Santiago de Foz,
campión provincial, caendo derrotado por cinco goles a un.
Unha vez rematados os partidos, produciuse a entrega de premios a
todos os equipos por parte da tenente alcalde Neves Cando e do
concelleiro Pascual Domenech
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
