Nota de prensa
MAÑÁ SÁBADO, O TEATRO DE BUXIGANGA CONVERTERÁ AS RÚAS DO CENTRO DE RIBADEO NUN ESCENARIO
Ás 21 horas, comezará na praza de San Roque, da man dos 7 grupos mariñaos que participan no programa, unha cadea de representacións que recorrerán o centro do concello. En caso de choiva, as actuacións realizaranse no Cine Teatro, con entrada gratuíta.
Antonio Veiga, que asistirá en representación da Área de Cultura da Deputación, afirma que “esta iniciativa da Área dá resposta á grandísima afección polo teatro que hai na Mariña”.
RIBADEO, 1 de abril de 2011. Mañá sábado, ás 21:00 horas, arrancará da praza de San Roque de Ribadeo o pequeno circuíto de actuacións que percorrerán o centro do concello, pasando polo Cine Teatro, e rematando na rúa San Francisco. Nesta representación colectiva participarán os grupos de teatro da Mariña que forman parte do programa Buxiganga, e son A Adala (Foz), Ardora (San Cibrao), Axóuxeres (Vilaronte, Foz), O Bordelo (Cervo), Batán (Foz), TeatroCrea (Viveiro), e Raiolas (Alfoz).
O nacionalista Antonio Veiga, que asistirá a este acto en representación da Área de Cultura da Deputación, afirmou que “tanto Buxiganga como esta actividade en concreto dan resposta á grandísima afección que existe polo teatro na Mariña, comarca na que o programa é un éxito rotundo grazas tanto aos actores como a toda a xente que asiste ás representacións”. O delegado de Cultura animou a “todos os mariñaos que poidan achegarse, ou se atopen en Ribadeo mañá, a disfrutar desta actividade especialmente preparada para dar a coñecer o teatro mariñao e, en concreto, o teatro de Buxiganga”.
Os circuítos de Buxiganga, cuxa nova fase se presentou hai uns días no Museo do Mar de San Cibrao, teñen o obxectivo de potenciar o teatro en todas as súas vertentes como un elemento de transmisión cultural, ademais de fomentar o emprego do galego e cumprir unha importante función de cohesión e integración social. Na Mariña en concreto, e como afirmou Veiga, “é probablemente a comarca onde mellor funciona Buxiganga, as actuacións están sempre cheas de xente”. Este programa é un dos que máis satisfaccións dá á Área de Cultura da Deputación, xa que “non só posibilita aos grupos de teatro realizar actuacións con grande éxito entre o público, senón que tamén fomenta a aparición de novas agrupacións teatrais”. Na Mariña, 12 concellos darán acollida ás 29 actuacións que se realizan na comarca. Co programa Buxiganga, todos os grupos lucenses de teatro teñen a posibilidade de aumentar o número de representacións das súas montaxes teatrais.
ACTUACIÓNS DE BUXIGANGA NA COMARCA DA MARIÑA
| Alfoz | Alentía: A espada máxica
Metátese: O país da auga A Rabela: Miña sogra é incrible |
07/05/2011
05/06/2011 22/10/2011 |
18.00
18.00 20.00 |
| Ribadeo | Hipócrita: BarVarela
TeatroCrea: Encaixes de vidas Pinchacarneiro: O médico a paus |
12/06/2011
20/11/2011 23/10/2011 |
20.30
20.30 20.30 |
| Barreiros | A Rabela: Miña sogra é incrible
O Bordelo: Quintana dos vivos, anguria dos orfos Ardora: Residencial paradiso |
04/09/2011
23/10/2011 13/11/2011 |
19.00
18.00 18.00 |
| Riotorto | Ardora: Residencial paradiso
Raiolas: Non volvas, Salustio, non volvas Zampalladas: A cabana do tío Toño |
07/05/2011
11/06/2011 18/06/2011 |
22.00
22.00 22.00 |
| Burela | Nova Escena: O inspector
Ardora: Residencial Paradiso |
19/11/2011
12/11/2011 |
20.30
20.30 |
| Muras | Os Baluros: Recobrou o sorriso Eleuterio
Ardora: Residencial Paradiso A Adala: Borrando sombras |
16/10/2011
10/09/2011 22/10/2011 |
20.00
17.00 17.00 |
| Lourenzá | O Bordelo: Quintana dos vivos, anguria dos orfos
Falcatrueiros: O tanatorio |
05/11/2011
12/11/2011 |
20.00
20.00 |
| O Valadouro | Zampalladas: A cabana do tío Toño | 25/06/2011 | 22.00 |
| Ourol | Parápono: O reo
TeatroCrea: Encaixes de vidas |
11/06/2011
29/10/2011 |
19.00
19.00 |
| Cervo | Os Baluros: Recobrou o sorriso Eleuterio
Parápono: O reo |
13/11/2011
29/10/2011 |
19.00
19.00 |
| Viveiro | Rebuldeira: Comedia bífida
A Adala: Borrando sombras |
22/10/2011
15/10/2011 |
20.30
20.30 |
| O Vicedo | Falcatrueiros: O tanatorio
Pinchacarneiro: O médico a paus Axóuxeres: Farsa á escocesa e matrimonio do século XXI |
08/10/2011
22/10/2011 05/11/2011 |
19.30
19.30 19.30 |
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
