Nota de prensa
FERNANDO SUÁREZ AGRADECE O TRABALLO REALIZADO POLOS VOLUNTARIOS DE PROTECCIÓN CIVIL PARA EXTINGUIR O INCENDIO QUE ONTE SE DECLARABA NUNHA VIVENDA EN RUINAS. O ALCALDE PÍDELLE Á XUNTA QUE MANTEÑA OPERATIVOS ESTES EFECTIVOS PARALELAMENTE Á POSTA EN MARCHA DOS PARQUES DE BOMBEIROS.
Ribadeo, 26 de abril de 2011. O alcalde de Ribadeo, Fernando Suárez, agradece o traballo realizado polos voluntarios de Protección Civil para extinguir o incendio que onte se declaraba nunha vivenda en ruinas da rúa Ibáñez. O rexedor pídelle á Xunta que manteña operativos estes efectivos paralelamente á posta en funcionamento dos parques de bombeiros.
Suárez Barcia explicou que “o incendio rexistróuse nun inmoble do casco vello ubicado ao final da rúa Ibáñez, nunha vivenda en situación de ruina que estaba ocupada, por dicilo dalgún xeito, por unha persoa indixente. A casa ardeu na súa totalidade e quero agradecerlle públicamente aos voluntarios de Protección Civil que estiveron alí apagando o lume, alí estivemos dúas horas, como tamén acudiron membros da Policía Local e da Garda Civil”.
O rexedor dixo que “son destas vivendas vellas que teñen moita madeira, polo cal o feito de apagar un incendio é complicado aínda que todos os efectivos estean alí, hai moita madeira e tarda moitísimo en ser apagado o lume. Producíuse onte unha fumareda que se puido ver desde varias partes de Ribadeo, polo que a moitos lles sorprendeu ver tanto fume alí no casco vello”.
Fernando Suárez insistiu “non quero máis que agradecer o seu traballo aos efectivos de Protección Civil, dado que o Grumir non empeza a traballar ata principios de mes, porque dun xeito altruista e voluntarioso estiveron traballando como auténticos profesionais para sofocar o incendio. Disto todos debemos destacar unha lección, os servizos de protección, de extinción de incendios e primeira asistencia deben permañecer en vilas como a nosa, aínda que eu alégrome de que chegue a haber un parque de bombeiros en Barreiros”. O alcalde considera que “unha vila que xa non é unha vila senón que é unha pequena cidade en servizos, en poboación, en problemas como é Ribadeo debe ter sempre un operativo cercano, dado que a inmediatez na resposta, ben sexa polo Grumir, ben sexa por Protección Civil é moito máis rápida que a da xente que ten que vir desde Barreiros. Vir nun vehículo pesado por moita autovía que teñamos estamos a falar de 15 ou 20 minutos e despois hai que engadir o tempo empregado para atopar o sitio, isto resólvese en moi poucos minutos cando os operativos parten do propio concello”.
O rexedor quixo que “quede ben claro que a Xunta debe ter en conta que é o que vai facer unha vez que se poñan en marcha os parques de bombeiros con estas vilas como Ribadeo, que está nun extremo da Mariña, que ten unha entidade moi importante e que nunca debe quedar desprotexida porque teñamos un parque de bombeiros, senón que debemos seguir tendo efectivos con cooperación económica da Xunta para poder seguir levando a cabo este tipo de actuacións”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
