25 anos de boa saúde
Nestas datas nas que vimos de conmemorar os 25 anos de servizo público do Hospital da Costa cómpre sobre todo facer un merecido recoñecemento ao conxunto das e dos profesionais –son moitos- que ao longo destes cinco lustros fixeron posible, co seu traballo, co seu esforzo, coa súa implicación -moitas veces maior da requirida- que os veciños da Mariña poidamos gozar da vida con saúde.
Fronte a aqueles que por intereses electorais poñen en dúbida o funcionamento da nosa sanidade só en función do partido político que xestione a Xunta, os populares, queremos facernos eco do sentimento maioritario dos cidadáns desta comarca e asumimos unha débeda de gratitude co persoal médico, de enfermería, celadores, de limpeza, de mantemento, de cociña, técnico, administrativo,… e así unha longa lista de persoas que fixeron, fan e seguirán a facer posible o funcionamento da maior institución pública da nosa comarca.
Pero a celebración do XXV aniversario é tamén un espazo para a reflexión dos retos que nos depara o futuro. O desafío non só está na mellora dos medios humanos e materiais, que hoxe está a levar a cabo o SERGAS, se non moi especialmente, na mellora da xestión para que todos podamos recibir uns mesmos servizos sanitarios, da maior calidade e no menor tempo posible.
Negar as dificultades coas que nos atopamos tras acceder o PP á responsabilidade de goberno e a existencia aínda hoxe de cuestións a corrixir sería unha irresponsabilidade. Pero tamén é certo que a pesar da dificultade de ter que asumir a máis de 4.297 pacientes agochados nun caixón, aos que se lles estaba a negar a asistencia sanitaria, esta problemática está a ser abordada cun traballo frenético. O avance nos temos de espera, de xeito particular naquelas patoloxías máis graves ou que limitan a calidade de vida do paciente e o avance na capacidade de resolución, evidencian que era verdade que había marxe para facer máis.
Hoxe con especial intensidade desde o Partido Popular queremos refrendar o noso compromiso coa sanidade pública, como piar fundamental do estado de benestar. Apostamos por un hospital xestionado con autonomía, desde Burela e que sempre seguirá en Burela, ampliando incluso os seus servizos. Hoxe tras anos de promesas e moita propaganda -esta vez si- vemos en marcha as grandes obras pendentes, como a de adaptación da área de maternidade –que reduce temporalmente o número de camas dispoñibles- a da rampla de acceso, sala de espera e arquivo ou as que posibilitaron novas dotacións con tecnoloxías de diagnóstico máis modernas e avanzadas. O propio Presidente da Xunta avanzou que está na axenda do Goberno un reto maior a ampliación estrutural do Hospital.
Cinco lustros de experiencia nos fan ter total confianza en que se saberán afrontar os novos retos, co apoio deste enorme equipo de profesionais curtido como está na superación de dificultades. 25 anos despois o Hospital da Costa segue a ser unha espléndida realidade. É deber de todos preservala e mellorara para que unha maior protección da saúde da nosa sociedade faga, a súa vez, unha sociedade máis xusta, máis solidaria e con mellor calidade de vida.
Jose Manuel Balseiro Orol
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
