Nota de prensa
A XUNTA ADXUDICARÁ 101 VIVENDAS DE PROMOCIÓN PÚBLICA CONSTRUÍDAS EN ONCE CONCELLOS DA PROVINCIA DE LUGO
A Comisión Provincial de Vivenda iniciou hoxe o procedemento para a adxudicación de vivendas en Lugo, Chantada, Lourenzá, Monforte de Lemos, Ribadeo, Viveiro, Becerreá, Meira, Mondoñedo, Muras e Taboada
Cincuenta e oito vivendas rehabilitadas en cascos históricos destinaranse a menores de 35 anos en réxime de alugueiro.
Lugo, 9 de maio de 2011.- A Comisión Provincial de Vivenda iniciou hoxe o procedemento para a adxudicación dun total de 101 vivendas de promoción pública construídas en once concellos da provincia de Lugo.
As vivendas adxudicaranse por sorteo entre todos os demandantes inscritos a día de hoxe no Rexistro Único de Demandantes de Vivenda nos concellos e no réxime correspondente.
Cincuenta e oito das vivendas que se van adxudicar foron rehabilitadas nos barrios históricos de seis concellos e destinaranse a menores de trinta e cinco anos en réxime de alugueiro.
O investimento total realizado polo IGVS na rehabilitación e construción destas vivendas supera os doce millóns de euros
Ditas vivendas corresponde ás seguintes localidades:
Lugo. Trinta vivendas nas rúas Tinería, Recanto do Miño, Falcón e Travesía do Miño, todas elas no barrio da Tinería. O Instituto Galego da Vivenda e Solo investiu máis de seis millóns de euros na adquisición e rehabilitación destas vivendas.
Chantada. Seis vivendas na rúa Daniel Vázquez Boo 1 e dúas na Praza de España 17. O IGVS investiu preto de 1,4 millóns de euros na adquisición de ambos edificios e na súa rehabilitación.
Lourenzá. Catro vivendas nas rúas Rego Vilazo e Avelino Montero Villegas. A adquisición e rehabilitación dos inmobles supuxo un investimento de máis de 511.000 euros por parte do IGVS.
Monforte de Lemos. Oito vivendas na rúa Armando Cotarelo, no coñecido como Hotel Comercio. O IGVS investiu máis de 1,5 millóns de euros na adquisición e rehabilitación do edificio.
Ribadeo. Dúas vivendas na rúa Antonio Otero. O IGVS adquiriu e rehabilitou o edificio, cun investimento de máis de 200.000 euros.
Viveiro. Seis vivendas na rúa Melitón Cortiñas.
As corenta e tres vivendas restantes son vivendas de promoción pública de réxime xeral, polo que non existe ningún requisito de idade e serán adxudicadas en réxime de compra venda ou alugueiro en función dos ingresos familiares acreditados. A normativa vixente establece que se adxudicarán obrigatoriamente en réxime de alugueiro cando ditos ingresos non superen 1,5 veces o Indicador Público de Rendas de Efectos Múltiples (Iprem).
Estas vivendas son as seguintes:
Becerreá. Trinta vivendas vacantes nun grupo de 45 construído cun investimento de máis de tres millóns de euros. As restantes vivendas xa están adxudicadas e entregadas as chaves.
Lugo. Catro vivendas no núcleo rural de Mazoi, no que o IGVS rehabilitou un total de sete vivendas, cun investimento que superou os 720.000 euros.
Meira. Tres vivendas vacantes dunha entrega anterior. En meira o IGVS construíu un total de 24 vivendas, das que 21 xa foron entregadas no pasado mes de decembro. O investimento total ascendeu a preto de 1,8 millóns de euros.
Tamén se entregaron vivendas vacantes nos concellos de Mondoñedo, Muras e Taboada (dúas en cada caso).
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
