O proxecto, apoiado polo programa O Teu Xacobeo da Xunta de Galicia, inaugúrase este sábado 5 de setembro en Abadín coa obra da artista lucense Esther López
Lugo, 3 de setembro, 2026. Co apoio do programa O Teu Xacobeo da Xunta de Galicia, este sábado 5 de setembro inaugúrase en Abadín TRADI. Mostra de arte no camiño, unha exposición da artista lucense Esther López que percorrerá cinco localidades do Camiño de Santiago a bordo de ARTE PARA LEVAR // Cultura en movemento, unha galería itinerante instalada nun camión clásico Mercedes 407D.
O proxecto, promovido e comisariado por Iago Eireos desde Espacio Lupa Arte, propón sacar a creación contemporánea dos espazos expositivos convencionais e levala directamente ao territorio, favorecendo o encontro coa cidadanía e apostando pola arte emerxente e pola descentralización cultural.
TRADI: a tradición galega desde unha mirada contemporánea
Esther López, nova artista de Lugo cunha destacada traxectoria emerxente, presenta en TRADI unha reinterpretación da cultura tradicional galega a través da fotografía e do deseño. O proxecto, recoñecido co Premio de Excelencia Académica da Xunta de Galicia, aborda a identidade e a memoria colectiva desde unha linguaxe visual actual.
A exposición percorre a música, o baile, as festas, a indumentaria tradicional, as xoias, os costumes e as persoas que manteñen viva esta herdanza, entendendo a tradición non como algo inmóbil ou pertencente ao pasado, senón como unha realidade viva que continúa transmitíndose e transformándose.
ARTE PARA LEVAR: unha galería en movemento
TRADI será tamén a primeira exposición de ARTE PARA LEVAR, o novo proxecto de Espacio Lupa Arte impulsado por Iago Eireos, que transforma un Mercedes 407D clásico nunha galería de arte itinerante.
O camión abandona o concepto de galería como espazo fixo para desprazarse e instalarse temporalmente en prazas e lugares de tránsito. Un formato móbil, accesible e próximo que busca achegar a creación contemporánea a novos públicos, especialmente en contornas rurais e fóra dos circuítos artísticos habituais.
Cinco fins de semana, cinco paradas no Camiño
A viaxe comeza este sábado 5 de setembro en Abadín e continuará cunha nova parada cada sábado:
5 de setembro – Abadín
12 de setembro – Vilalba
19 de setembro – Baamonde
26 de setembro – Lugo | Inauguración
3 de outubro – Portomarín
A programación prolongarase tamén durante o domingo posterior a cada apertura, cando a propia Esther López realizará un encontro-taller arredor de TRADI, no que presentará e compartirá co público as claves do seu proxecto artístico. A actividade será aberta e gratuíta, dirixida tanto á veciñanza de cada localidade como ás persoas peregrinas e a calquera persoa interesada en participar.
A proposta complétase con accións de mediación e recursos de accesibilidade, entre eles códigos QR e audiodescricións, reforzando a vontade de facer da galería un espazo próximo e aberto a diferentes públicos.
Co Camiño de Santiago como fío condutor e grazas ao apoio de O Teu Xacobeo, TRADI inaugura así unha nova etapa para Espacio Lupa Arte e para ARTE PARA LEVAR, un proxecto que nace con vocación de continuidade: unha galería que non agarda a que o público vaia ao seu encontro, senón que se pon en movemento para levar a arte directamente ás persoas.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
