Nota de prensa:
O BNG ACUSA AO PP DE DEIXAR CAER AS INSTALACIÓNS DO CLUB DEPORTIVO RIO COVO
Estúa denuncia que dende que o concello asumiu a xestión das instalacións do Club Deportivo Río Covo van camiño de quedar nun estado ruinoso.
Acusan ao PP de traizoar a confianza dos veciños da urbanización que cederon no ano 2003 este espazo a cambio de melloras e mantemento que non se producen
O BNG promoverá grandes eventos deportivos para aproveitar as múltiples instalacións deportivas e atraer xente ao concello
Cervo, 9 de maio de 2011. O BNG acusou ao PP de deixar caer as instalacións do Club Deportivo Río Covo despois de comprometerse cos veciños no ano 2003 a realizar investimentos para a súa mellora e mantemento que ate ese momento realizaba a comunidade de veciños desta urbanización. Os nacionalistas lembraron que estas instalacións, únicas na Mariña, contan con pistas de Squash, dúas piscinas, sauna, salón de actos e instalacións complementarias, cancha de tenis e zonas de ocio interiores e exteriores ao ar libre que se atopan nun estado lamentábel, dende que o concello asumiu a súa xestión. O paso do tempo e a falta de mantemento e investimentos, así como a ausencia de control algún no seu uso por parte do goberno local deixou este equipamento dotacional ao borde da ruína. Os nacionalistas promoveran coa colaboración de entidades deportivas grandes eventos deportivos que atraian xente ao municipio aproveitando os múltiples equipamentos existentes.
Os nacionalistas apostan polo aproveitamento das múltiples instalacións deportivas coas que conta o concello ofrecéndose a organizar grandes eventos deportivos que atraian xente ao municipio.
O candidato nacionalista á alcaldía, Xoán Antón Estúa, afirmou que “o BNG non vai desaproveitar os recursos e equipamentos deportivos que ten o concello para atraer xente ao noso municipio” neste sentido “comprometeu a organización de grandes eventos deportivos en colaboración coas entidades deportivas municipais, e para iso haberá que dar pasos para que os recursos dos que dispoñemos estean nas mellores condicións posíbeis, entre elas as instalacións de Río Covo”. Estúa recalcou “que si atraemos xente, xeramos consumo do que se beneficiará o conxunto do concello”. O nacionalista insistiu na falta de aproveitamento de equipamentos e recursos cos que conta Cervo para afirmar que “en Cervo como en Barreiros co PP sobra cemento e falta talento”, criticando a ausencia de ideas e iniciativa dun PP “empeñado en xerar continentes pero sen crear contido.
Río Covo é exemplo mais de como desaproveitar os múltiples equipamentos dotacionais que ten o concello aos non se lle saca ningún beneficio.
“Enchufes rotos, a instalación eléctrica ao descuberto, portas rotas, as canchas de tenis desfeitas, o ximnasio inservíbel, son so algúns exemplos do estado de deterioro no que se atopan as instalacións deportivas de Río Covo dende que o goberno municipal despois dun compromiso electoral do PP asumira a xestión destas instalacións. “Nin os tempos nos que a bonanza económica permitía realizar investimentos nestas instalacións serviron para que o PP asumira os seus compromisos para revitalizar e dar uso a este excepcional equipamento dotacional”, afirmou o candidato nacionalista á alcaldía, Xoán Estúa. O nacionalista puxo este caso como un exemplo mais da ausencia de ideas do PP para saber sacar beneficios dos múltiples equipamentos cos que conta o concello de Cervo.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
