Nota de prensa:
A Xunta enviará esta semana ao DOG a orde de axudas que permitirá subvencionar ata o 25% da póliza seguro marítimo obrigatorio
A conselleira fixo fincapé en que se subvencionarán todas aquelas pólizas que cumpran as indicacións esixidas e “non a unha compañía en concreto”
A titular de Mar lamentou que dende a oposición se poña en tea de xuízo a madurez e a responsabilidade do sector pesqueiro galego
Rosa Quintana vinculou a responsabilidade do sector á cobertura aseguraticia e destacou que a experiencia práctica amosa que o sector está a atender convenientemente a necesidade de dispór dun seguro de responsabilidade civil
Santiago, 15 de xuño de 2011.- A conselleira do Mar, Rosa Quintana, explicou hoxe no Parlamento que “en breve” estará dispoñible para o sector a posibilidade das achegas que permitirán subvencionar ata o 25% da póliza do seguro marítimo obrigatorio. A conselleira informou de que a orde “será remitida mañá ao Diario Oficial de Galicia para a súa publicación”. A conselleira fixo fincapé en que se subvencionarán todas aquelas pólizas que cumpran as indicacións esixidas e “non a unha compañía en concreto”. Ademais lembrou que o seu departamento subvencionará a mesma porcentaxe no caso das pólizas destinadas á cobertura dos mariscadores a pé.
A titular de Mar insistiu en que o seu departamento se dedicará a “traballar polo sector, fomentando a subscrición de pólizas que cubran a obriga legal de dispór de seguro de responsabilidade civil”. Neste sentido, lamentou que dende a oposición se poña en tea de xuízo a madurez e a responsabilidade do sector pesqueiro galego. “Nós cremos nesa maioría de idade e na responsabilidade do sector e dos seus membros”, subliñou, por iso “sabemos que o sector está a atender convenientemente a necesidade de dispór dun seguro de responsabilidade civil” e así o reflicte a experiencia práctica. Isto, segundo dixo da oposición, “desbota a súa tese de falla de cobertura xeneralizada”, xa que “os mariñeiros galegos saben facer valer a súa capacidade para garantir ese seguro ou outros semellantes”.
Desta capacidade do sector para xestionar os seus propios intereses, Rosa Quintana, destacou que así non é necesario tutelar a aqueles mariñeiros galegos que navegan en buques de capital estranxeiro, e que saben ben cales son os seus dereitos e necesidades. Respecto dos cobros en casos de morte ou invalidez , a conselleira aclarou desmentindo á oposición, que os “mariñeiros sempre cobrarían as cantidades das indemnizacións mediante unha reclamación xudicial”.
O seguro de responsabilidade civil
A conselleira do Mar lembrou que foron “a eficacia e eficiencia os motivos que nos levaron a non considerar a continuidade do seguro colectivo”, xa que segundo explicou, non era acorde con estes principios “destinar 1,2 millóns de euros para non achegar nada a maiores ao sector”. Neste sentido, lembrou que o seguro colectivo “nin sequera cubría as necesidades e obrigas legais de dispoñer dunha cobertura aseguraticia para os barcos e mariñeiros”, o que, “podía deixar na ruína aos armadores e desprotexidos aos tripulantes”.
Pola contra, lembrou que a nova fórmula aseguraticia si se axeita á obrigatoriedade establecida polo bipartito na Lei de Pesca e ás características da frota galega e do seu traballo e ademais, engadiu, permite litigar en Galicia. A conselleira tamén lembrou que deste xeito se evita a saída cara ao estranxeiro de máis de 5 millóns de euros anuais en primas e sitúase a Galicia nas primeiras potencias marítimo – pesqueiras europeas neste ámbito.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
