Nota de prensa:
O CONCELLO ASINARÁ UN CONVENIO PARA ABONAR 12.000 EUROS Á FUNDACIÓN EXPOMAR, UNHA PARTIDA QUE ESTÁ CONTEMPLADA NOS ORZAMENTOS MUNICIPAIS DESTE ANO. JOSÉ Mª GONZÁLEZ BARCIA DI QUE ASÍ SE RETOMA DE FORMA CONTUNDENTE O PAPEL DE PATRONO TUTOR QUE EXERCERÁ O CONCELLO E SE CORREXIRÁ UNHA SITUACIÓN QUE TILDA DE “ANÓMALA”.
Burela, 29 de xuño de 2011. O Concello asinará un convenio para abonar 12.000 euros á Fundación Expomar, unha partida que está contemplada nos orzamentos municipais para 2011. O alcalde, José Mª González Barcia, asegura que así se volve retomar de forma contundente o papel de patrono tutor que exercerá o Concello sobre a Fundación Expomar e di que a relación entre ambas entidades nos últimos catro anos non era nin a máis lóxica nin a máis coherente.
O rexedor explicou que “na reunión que hoxe celebrou o patronato da Fundación Expomar procedéuse á renovación dos cargos derivados das eleccións municipais do pasado 22 de maio. Deste xeito será presidente o alcalde, será vicepresidente o primeiro tenente de alcalde, Manuel Fernández Valle, e a concelleira delegada do Mar, Patricia López Eijo, que actuará como secretaria”.
González Barcia dixo que “sen dúbida o máis importante que abordamos foi o convenio que vai asinar o Concello con Fundación nos vindeiros días por un montante de 12.000 euros, unha cantidade que está contemplada nos presupostos xerais do Concello para este ano. Esta cuantía non se abonou a Expomar nos anos 2008, 2009 e 2010”. E lembrou que “a Fundación recibía todos os anos desde a súa creación esa partida económica do Concello, no 2007 percibiuna porque nós deixamos feitos os presupostos, pero non volveu contar con ela. Nós presentamos hai tempo unha moción pedindo que se recuperase esa partida, o bipartito apoiouna de forma parcial e acordaron que esa cantidade se pagaría só cando houbese feira”. Para o alcalde de Burela “o Concello volve agora retomar de forma contundente o papel de patrono tutor da Fundación Expomar”.
Como presidente da Fundación Expomar anunciou que “vamos iniciar as xestións pertinentes para que desde a Fundación se vaia abonando a cuantía que se lle adebeda á cofraría de pescadores polo uso da nave de redes tanto na feira Expomar como en Produart. Agora mesmo a débeda está nuns 20.000 euros e a intención é aboala a ser posible canto antes, pero de non ser así faríase en dous prazos”. José Mª González Barcia engadiu que “deste xeito o que se intenta é correxir a relación que viña tendo o Concello con Expomar e que a nós non nos parecía nin a máis lóxica nin a máis coherente tendo en conta que o Concello ten o papel de patrono tutor. E por outra parte queremos correxir os desequlibrios que había coa propia cofraría de pescadores que estaba adiantando cartos para a Fundación Expomar, cousa que en principio non nos parece mal, pero o que sí é certo é que a cofraría non vai estar adiantando cartos de forma permanente. Eses compromisos se levarán a cabo en breve e así se correxirá unha situación que desde o noso punto de vista era claramente anómala”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
