Nota de prensa:
PRESENTACIÓN DO I TORNEO EON DE FÚTBOL SALA BASE A MARIÑA 2011 (1-3 XULLO)
O CD Burela FS presentou esta mesma mañá a referencia da base futbolística do verán, o I Torneo EON de Fútbol Sala Base A Mariña 2011, que reunirá na bisbarra unha ampla representación da canteira española, entre o 1 e o 3 de xullo. No salón de plenos do consistorio burelao, o presidente da entidade laranxa, José Ramón González Casas, estivo acompañado polo alcalde, José María González Barcia, e a concelleira de Xuventude e Deporte, Beatriz Piñeiro, así como polo directivo Marcelino Luna e o director da ED EON Burela FS, Alfonso Mera.
José María González Barcia cualificou a cita como “digna de ser apoiada e loada pola aposta dun deporte con moita proxección na comarca, no que o CD Burela FS está traballando pola base como garantía de futuro” e auguroulle “éxito para que dende logo teña continuidade”. “Nesta época de crise nós achegaremos o noso gran de area ata onde poidamos e confiamos en que a situación económica mellore para que o Concello poida apostar de forma decidida por este tipo de actividades” dixo o alcalde.
José Ramón González Casas fixo referencia “á dedicación e traballo vertido polo club na formación dos rapaces/as, por iso tomamos con moita ilusión este novo proxecto, en colaboración coa Fundación Imdecum, e esperamos que todos os equipos gocen da cita deportiva e do noso contorno”. O presidente tamén quixo darlles as grazas a todos os implicados no torneo: “Quero agradecer o apoio de EON España, como patrocinador principal, así como á Área de Deportes da Deputación de Lugo, e aos concellos colaboradores de Burela, Cervo e Foz, ademais da Liga Nacional de Fútbol Sala, a Federación Galega de Fútbol, Living Sport, Joma, IES Monte Castelo e CEIP Vista Alegre”.
Tal e como indicou Alfonso Mera, “o torneo e a ED EON Burela FS contarán coa presenza dos históricos Caja Segovia FS e UD Las Rozas Boadillas, dous dos clubs con máis tradición de base de todo o territorio nacional, así como con equipos da comarca, como Santiago de Foz e Cidade de Viveiro, e outros galegos, como Os Meigallos de Sarria, Vigo 2015 ou Troula de Betanzos. En total serán 30 equipos distribuídos nas categorías de benxamín, alevín, infantil e cadete”. “Xunto á cita meramente competitiva que acollerán os pavillóns Monte Castelo e Vista Alegre de Burela, A Veiga-San Cibrao e Marzán-Foz, os rapaces poderán gozar dunha programación lúdico-deportiva complementaria, con xogos multimedia, hinchables, xogos populares e facer visitas guiadas ao barco-museo Reina del Carmen, ademais de ter a posibilidade de usar o complexo deportivo da Marosa, con campo de fútbol e pistas de tenis e pádel” puntualizou o director burelista.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
