Nota de prensa:
O Goberno socialista central deixa abandonados aos tripulantes destas embarcacións ante calquera situación de emerxencia médica ou sanitaria
O GRUPO POPULAR DENUNCIA QUE O BUQUE HOSPITAL JUAN DE LA COSA XA NON ACOMPAÑA Á FLOTA BONITERA
O voceiro do Mar, Jose Manuel Balseiro considera incomprensible que o Ministerio non teña posto en marcha todo o operativo de apoio semanas despois de iniciada a campaña estival de pesca.
O groso da flota bonitera faena a 4 días de viaxe do porto de Burela e a día e medio de distancia das illas Azores, o que complica calquera operativo de emerxencia, rescate ou evacuación que poida ser necesario activar.
Santiago, 28 de xuño de 2011.- O voceiro do Mar do Grupo Parlamentario Popular, Jose Manuel Balseiro, denunciou hoxe que o buque hospital Juan de la Cosa, propiedade do Instituto Social da Mariña xa non acompaña ás embarcacións que están a participar na campaña estival de pesca do bonito, en aguas do Atlántico.
Deste xetio, o Goberno socialista central deixa abandonados á súa sorte aos tripulantes destas embarcacións pesqueiras ante calquera situación de emerxencia médica ou sanitaria que poida acontecer, e na que se precisara ou da tecnoloxía e aparataxe que dispón este barco hospital ou da intervención do persoal médico facultativo que nel traballa.
Jose Manuel Balseiro explicou que a situación de desprotección é ainda maior se temos en conta que a flota bonitera está faenando –en cómputo medio- a catro días de viaxe do porto de Burela e a día e medio das illas máis próximas, as Azores, polo que esta enorme distancia complica a eficacia de calquera operativo de emerxencia ou evacuación que poida ser necesario poñer en marcha.
RESPONSABILIDADE DA MINISTRA
O portavoz popular considera incomprensible que o Ministerio de Medio Ambiente, Medio Rural e Mariño non teña despregado todo o operativo de apoio á flota bonitera semanas despois de iniciada a campaña estival e responsabiliza directamente aos cargos políticos deste departamento ministerial e á propia Ministra, Rosa Aguilar, de calquera incidencia que poida ter lugar, durante o tempo que se prolongue esta situación de abandono.
Nos días pasados o Grupo Parlamentario Popular xa denunciou o deficiente operativo disposto en apoio da flota bonitera por parte do Ministerio de Medio Ambiente, Medio Rural e Mariño. Balseiro alertaba da falta do buque da armada, que entre outras funcións garante a seguridade da tripulación e colabora en caso de algún tipo de incidencia técnica ou mecánica. Agora tamén o Goberno socialista retira o barco hospital, moi probablemente, para aforrarse uns cartos, poñendo en risco a saúde destes profesionais do mar.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
