Nota de prensa
A ESCOLA BURELISTA, ESPELLO PARA PORTUGAL
Atraídos pola programación de actividades e por un cartel de luxo, tres membros da asociación portuguesa O Amanhã da Criança-Futsal, do Porto, déronlle o toque de internacionalidade ao V Campus Mixto Internacional de Fútbol Sala Base Burela FS a semana pasada na Mariña.
O adestrador André Martins, que xa puido participar en campus como o do Azkar Lugo FS noutras edicións, recalou na bisbarra xunto a dous seus alumnos, Bernardo Fernandes e Vasco Bandeira, de 14 anos, para ampliar os seus coñecementos e aprender novas técnicas coas que mellorar no ensino deste deporte. “A experiencia foi moi proveitosa, aprendemos moito tanto con técnicos coma con xogadores e xogadoras; tamén tiven a oportunidade de intercambiar ideas con Alfonso Mera con respecto á dinámica das escolas deportivas” dixo André Martins, que admitiu ter o noso fútbol sala como o espello no que poder mirarse: “Para min é moi importante este troco de información porque España está un paso por diante na formación de base. En Portugal estamos no camiño correcto, pero aínda nos queda moito por percorrer para estar á altura das escolas galegas e españolas; non temos a fortuna, como si ocorre en cambio en Burela, de ter a xogadores profesionais ensinando as categorías de base”.
Para o Burela FS e para o campus tamén resultou moi positiva a visita dos veciños portugueses, tal e como explicou Alfonso Mera, “no senso de que puidemos coñecer diferentes métodos de traballo, intercambiar opinións e incluso sentar as bases para unha relación de futuro entre as escolas. No que se refire aos nenos sempre é moi enriquecedor coñecer outras culturas e convivir, aínda que sexa por pouco tempo, con rapaces doutras nacionalidades, próximas ou non, para ampliar horizontes e vivencias”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
