Nota de prensa
Nota de prensa
O VALADOURO EXPÓN FOTOGRAFÍAS DO SEU PATRIMONIO INMATERIAL
A mostra Palabra e Memoria estará aberta entre os días 24 de xullo e 6 de agosto na Casa da Cultura de Ferreira
A Asociación Fraga das Lerias ultima os preparativos da exposición fotográfica Palabra e Memoria, que estará aberta ao público entre os días 24 de xullo e 6 de agosto na Casa da Cultura de Ferreira.
A exposición recolle máis de 30 fotografías das igrexas das nove parroquias do Concello do Valadouro (Moucide, Budián, A Laxe, Ferreira, Santa Cruz, Recaré, Santo Tomé, O Cadramón e Vilacampa) así como das inscricións funerarias máis relevantes dos seus respectivos cemiterios. As fotografías están realizadas pola fotógrafa local María Mon Geada. Repartidas en 8 paneis, as fotos irán acompañadas de textos explicativos e de ilustracións realizadas para a ocasión polo artista plástico Xosé Blanco.
Esta iniciativa cultural da asociación Fraga das Lerias é un complemento divulgativo a unha extensa investigación de campo realizada por Alba García Pico (Ferreira; 1983). Esta moza orixinaria do Valadouro, licenciada en Tradución e Interpretación pola Universidade de Vigo, coñeceu o documental do mesmo título (Palabra e Memoria) realizado polo burelés Matías Nicieza sobre unha exposición fotográfica de Pepa Losada, e dispúxose a localizar, catalogar e estudar as máis relevantes inscricións funerarias dos cemiterios do termo municipal e, posteriormente, completou a súa documentación con entrevistas personalizadas a cada unha das vinte familias implicadas.
A exposición será inaugurada ás 8 da tarde do próximo día 24 de xullo e terá o seu acto central o día 30 coa celebración dunha mesa-redonda na que está previsto que interveñan representantes das familias e da asociación convocante así como das numerosas persoas implicadas na organización do evento.
EXPOSICIÓN
PALABRA E MEMORIA
De 24 de xullo a 6 de agosto de 2011
Casa da Cultura
Ferreira do Valadouro
PALABRA E MEMORIA
Palabra e Memoria é unha actuación veciñal destinada a localizar, catalogar e estudar en
profundidade o patrimonio inmaterial das nove parroquias do Concello do Valadouro. Con esta
manifestación de compromiso comunitario e altruísta, a asociación cultural Fraga das Lerias
pretende transmitir vitalidade ao noso idioma milenario.
Síntese da creatividade artística de María Mon Geada, coa colaboración de Xosé Blanco; do
esforzo investigador de Alba García Pico; e, moi especialmente, da inmensa paixón e cariño de
máis de vinte familias, Palabra e Memoria é Lingua Viva, vigoroso instrumento de recordo da
Historia feita polos que nos precederon e vínculo integrador para nacidos e achegados a esta terra.
ACTIVIDADES
• Domingo, día 24 de xullo:
• Ás 20:00 horas: INAUGURACIÓN
*Proxeccións audiovisuais (auditorio)
*Visita guiada por Alba García Pico
*Intervencións de: Edmundo Maseda, Xosé Blanco, representante da
Deputación, representante da Secretaría Xeral de Política Lingüística (aínda
sen confirmar), representante do Concello.
• Sábado, día 30 de xullo:
• ás 19:00 horas: Recordo ao músico Eladio Maseda (cemiterio de Moucide)
• ás 20:00 horas: Propósito de enmenda. Rectificar a historia. (Ofrenda floral
no cemiterio de Santa Cruz en lembranza das vítimas do “Crime do
Valadouro”. Intervencións de Luís García Rubal (concelleiro do Valadouro),
Miguel Vila Pernas (escritor; aínda sen confirmar) e Primitivo Iglesias
Sierra (alcalde da Pastoriza)
• ás 21:00 horas. Mesa-Redonda: Palabra e Memoria.
(No Auditorio da Casa da Cultura)
EXEMPLO DE COMPLEMENTOS DAS FOTOGRAFÍAS
Carme da Estivada
Carme López Rubal naceu na Estivada, parroquia de Sto. Tomé do Valadouro no ano
1925, a máis nova de tres irmáns nunha familia labrega. O seu pai Manuel, que era
ferreiro, morreu relativamente novo e a súa nai, Carme, acompañouna
discretamente na súa vida familiar, unha vez que casou para a casa con Arturo do
Xurucido. Tivo dúas fillas e dous fillos, Mª Carme, Isabel, Pepe e Toño. Na casa da
Estivada foron construindo a súa vida familiar con dificultades e moito traballo.
Aló polos primeiros anos 70 viñeron vivir á vila de Ferreira onde traballou como
axudante de cociñeira no colexio, no que o seu home era conserxe.
Todas as persoas que a coñeceron, coincidirán con total seguridade en que era unha
muller moi discreta e tolerante, e cunha persoalidade tan sensible e bondadosa que
resulta imposible que houbese alguén que non a quixese ben. Era moi fácil convivir
con ela.
Faleceu tan discretamente como viviu o 8 de xuño de 1998.
(Xentileza de Antonio Blanco López)
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
