Nota de prensa
Clausura da Exposición “A Escola Náutico Pesqueira de Foz” – CENIMA (Foz)
Desde o Arquivo Municipal queremos que nos acompañedes na clausura da exposición “A Escola Náutico Pesqueira de Foz”, que leva aberta ó público desde o pasado 17 de maio nas instalacións do CENIMA. Pechamos a nosa andaina o vindeiro venres 15 de xullo ás 18:00 h. no CENIMA. Contaremos coa presenza de Dna. Pepita Pedreira de Beltrán, viúva de D. José Mª Beltrán Veiga, o alcalde de Foz que fixo posible a Escola Náutico Pesqueira, e responsable máximo da mesma durante os dez anos que desenvolveu a súa actividade. Presidirá o acto o alcalde de Foz, Javier Jorge Castiñeira, e acompañarannos nunha mesa redonda Suso Fernández, Cronista Oficial de Foz, e algúns dos mestres que impartiron clases no centro. Queremos facer deste evento un acto de participación aberto a tódolos asistentes que queiran compartir connosco as súas lembranzas e experiencias. Como colofón realizaremos unha visita guiada pola exposición coa que intentaremos poñer de manifesto a intencionalidade e os obxectivos que nos levaron a desenvolver este proxecto.
Queremos lembrar que esta iniciativa naceu cun dobre propósito, por un lado quixemos facer unha lembranza da Escola Náutica, unha institución que determinou o futuro profesional dunha xeración de focenses e de mariñanos que desenvolveron a súa vida profesional no mundo do mar. Polo outro, tamén pretendemos dignificar e poñer de relevancia a importancia dos arquivos como referentes e custodios da historia e da memoria colectiva dun pobo. Un arquivo non é somentes un almacén de documentos, senón que constitúe a ferramenta indispensable para converter un feixe de lembranzas nunha investigación histórica de calidade, e que pode callar en proxectos coma este, necesarios para non esquecer o fomos e entender o que somos.
A Escola Náutico Pesqueira de Foz naceu no ano 1967, dunha iniciativa encabezada polo daquela Alcalde, José María Beltrán Veiga. Formaba parte dun reducido grupo de dez centros de formación oficial pesqueira de España, no que se incluían as escolas de Madrid, Huelva, Sanlúcar de Barrameda, Valencia, Almería, Cádiz, Vigo, Ferrol e Vilagarcía de Arousa. A escola instalouse a carón do antigo Clube Náutico, no lugar que hoxe ocupa o CENIMA, e durante os dez anos (1967 – 1977) que durou a súa actividade, nas súas aulas impartíronse cursos para acadar os títulos de competencia mariñeira, patrón de pesca litoral de 2ª clase, motorista naval, radiotelefonista naval restrinxido, redeiro e texedor de redes, cortador-recolector de algas industriais ou de cultivador de marisco en parque e praia.
A intencionalidade do noso traballo é rehabilitar, preservar e difundir o patrimonio marítimo pesqueiro que define a identidade do noso pobo, a través da recuperación de obxectos do pasado pero, denantes de todo, a partir das lembranzas das súas xentes. Por iso, queremos agradecer especialmente a total implicación de tódalas persoas que nos axudaron desde o momento en que souberon o proxecto que tiñamos entre mans. A todos, moitísimas grazas.
Tanto o plantexamento do proxecto, como a investigación e o deseño da exposición, foron realizados por Susana Díaz García, arquiveira do concello de Foz, e Silvia Fiallega Lorenzo, historiadora.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
