A Deputación mantén 300 empregos coa contratación de 67 obras do Plan Extraordinario
– Son obras dos convenios de 1 millón de euros que se executan en todos os Concellos beneficiados -Sarria, Lugo, A Fonsagrada, Becerreá, Viveiro, Foz e Burela- agás en Vilalba
– Martínez salientou que “aforramos máis de 8 millóns de euros ás arcas municipais coas 67 obras. Temos 1 millón de euros paralizado porque o Rexedor de Vilalba non cumpre o único requisito: a entrega dos proxectos. Está a privar a 15.000 veciños de novos servizos”
– Das 73 actuacións acordados cos Rexedores, o 90% están adxudicadas, o 5% en vías de contratación e o 5% restante, a totalidade das de Vilalba, pendente dos proxectos municipais
O voceiro provincial socialista, Manuel Martínez, avanzou este venres que a Deputación contratou un total de 67 obras municipais por valor de 8 millóns de euros coas que a institución está a manter 300 postos de traballo na provincia. Estas actuacións enmárcanse nos convenios de 1 millón de euros do Plan Extraordinario de Obra Pública, que benefician ós Concellos lucenses máis poboados ou motores comarcais.
Martínez salientou que das 73 obras acordadas cos Alcaldes de Monforte de Lemos, Vilalba, Sarria, Lugo, A Fonsagrada, Becerreá, Viveiro, Foz e Burela, a institución adxudicou o 90%. Un 5% están en proceso de contratación (2 actuacións en Viveiro e 1 en Monforte), mentres o 5% restante están pendentes da entrega dos proxectos por parte do municipio vilalbés. “Temos un 1 millón de euros parado porque o Rexedor de Vilalba non cumpre o único requisito: entregar os proxectos. Coa súa actitude e falta de traballo, e malia non supor custe algún ás arcas municipais, está a privar ós 15.000 veciños deste municipio de novos servizos”.
Tal e como recollen os textos asinados, a Deputación adxudica e financia na súa totalidade as obras mentres os Concellos fan entrega dos proxectos e dirixen a súa execución. A este respecto, o Deputado salientou que “logramos aforrar máis de 8 millóns de euros ás arcas municipais coas 67 actuacións contratadas, das que se benefician 160.000 veciños, é dicir, case a metade da poboación da provincia”.
Remanentes para novas obras
Co 90% das obras adxudicadas, a Deputación está por tanto, a culminar este proceso, feito que lle permite, debido ás xestións realizadas, contar con remanentes para incrementar o número de actuacións municipais. É por iso, que a Xunta de Goberno aprobou a concesión de 54.401 euros, procedentes dos remanentes do convenio coa Fonsagrada, a dito municipio. Este presuposto adicarase nas seguintes actuacións: adquisición dun camión contraincendios por valor de 37.401 euros, e adecuación do polideportivo por 17.000 euros. “Fronte ó desmantelamento de servizos e a ausencia de investimentos na provincia por parte da Xunta, seguimos impulsando novos servizos e mantendo postos de traballo”, destacou Martínez.
As novas actuacións previstas para a Fonsagrada engádense á construción da nova casa consistorial, dotada de 850.000 euros, e á reforma do pavillón municipal por valor de 150.000 euros. Ambas as dúas actuacións tamén se enmarcan no convenio de 1 millón de euros do Plan Extraordinario.
O Deputado quixo ademais, reiterar “o firme compromiso” da Deputación coa Montaña lucense e en concreto co municipio fonsagradino. Deste xeito, avanzou que nas vindeiras semanas contrataranse as obras de construción da residencia para a 3º idade. “Asumimos este proxecto logo de que os veciños tivesen que esperar 2 anos a que o executase a Xunta, tal e como se comprometeu”. Ademais, tamén asegurou que está a piques de arrincar o proceso de adxudicación do 1º centro público en Galicia de despece de carne logo da concesión dos terreos por parte do TECOR. A Deputación adica nesta pioneira iniciativa 300.000 euros.
Outros acordos
A Xunta de Goberno aprobou ademais, as contas xustificativas de 8 obras do Plan de Comunidades Veciñais nos Concellos de Monterroso, Cospeito, Castro de Rei, Foz e Lugo, dotadas dun total de 91.305 euros, dos cales a Deputación aportou 68.478 euros. Trátanse de: Formigonado do núcelo de Leborei (Monterroso); acondicionamento exterior da igrexa e campanario en Arneiro (Cospeito); arranxos na pista polideportiva en Xustás (Cospeito); equipamento mobiliario local social en Santalla de Rioveso (Cospeito); cerramento do campo da festa en Seixas (Cospeito); reposición dos pontellos da ruta do Azúmara en Santa Leocadia (Castro de Rei); acondicionamento da área recreativa e da pista e arranxo do chan da capela en Vilaxoane (Foz); e mellora do camiño da fonte dos Ollos a Madorra en Gondar (Lugo).
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
