Nota de prensa:
O CENTRO DE DÍA A CONCORDIA E O CONCELLO DE RIBADEO ORGANIZAN ROTAS POLA VILA PARA PERSOAS MAIORES DE 60 ANOS. A PRIMEIRA TERÁ LUGAR O 2 DE SETEMBRO A PARTIR DAS SEIS DA TARDE.
Ribadeo, 25 de agosto de 2011. O centro de día A Concordia e o Concello de Ribadeo organizan rotas pola vila para persoas maiores de 60 anos. O obxectivo é fomentar a súa actividade física e o factor relacional. O primeiro percorrido será o 2 de setembro a partires das 18 horas.
A edil nacionalista dixo que “este proxecto Andainas que leva a cabo o centro de día A Concordia en colaboración coa área de Saúde e Servizos Sociais do Concello consiste nunhas rotas cunha dificultade media baixa e cunha duración duns 45 minutos. Os participantes serán persoas de máis de 60 anos que irán debidamente atavidas con gorras e chalecos”.
González Piñeiroa contou que “o primeiro percorrido será o vindeiro 2 de setembro a partires das 18 horas. A saída será desde a praza de abastos para percorrer varias zonas da vila e incluso indo ao ascensor panorámico. Trátase de fomentar a actividade física das persoas e o factor relacional porque sabemos que é unha etapa da vida na que precisan motivarse un pouco e tamén falar. En función de cómo sexan os resultados desta rota vánse proxectar máis, unha por semana durante dous meses e preténdese facelas tamén extensivas ás parroquias de Ribadeo”.
A concelleira de Saúde e Servizos Sociais sinalou que “todos os que queiran participar que se acheguen á praza de abastos o 2 de setembro. Animo ás persoas e ás familias que coñezan a xente deste perfil a que as animen a participar porque será moi gratificante e vánse sentir ben”.
Teresa González Piñeiroa manifestou que “desde a área de Saúde e Servizos Sociais perseguimos o benestar físico e psíquico das nosas veciñas e vecinos. Os nosos maiores ocupan un lugar prioritario xa que son un dos sectores de poboación máis necesitados de atención e non só na etapa da súa vida na que son dependentes. Trátase de que teñan unha boa calidade de vida e se sigan sentindo útiles e necesarios; trátase de que sexan felices, compartan experiencias e nos transmitan saberes que elas e eles recolleron no seu percorrido vital. Por este motivo, elaboraremos, coordinaremos e colaboraremos en actividades que teñan como obxectivo o beneficio das nosas veciñas e vecinos”.
A concelleira de Servizos Sociais engadiu que “somos conscientes de que, sumando esforzos, a produtividade é maior. Se sempre é importante, máis na actual conxuntura económica. Agora máis que nunca cómpre a colaboración e coordinación de máis organismos, institucións e asociación. Por este motivo, colaboramos e apoaiamos o desenvolvemento desta actividade e agradecemos a Ana Fdez. Pérez (directora do Centro de día A Concordia), a Julia Pérez Loureiro (psicóloga do Centro) e a Raquel Vieites Rodríguez (traballadora social do Centro) a súa iniciativa de programar e levar a cabo este proxecto”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
