Nota de prensa
O EIDO DOURADO PROMOVE UN CONCERTO DE JAZZ EXPERIMENTAL QUE TERÁ LUGAR O VENRES, 12 DE AGOSTO, ÁS ONCE DA NOITE NO CÁMPING GAIVOTA EN BENQUERENCIA.
Barreiros, 10 de agosto de 2011. O Eido Dourado promove un concerto de jazz experimental que terá lugar o venres, 12 de agosto, ás 23 horas no cámping Gaivota en Benquerencia. O ciclo musical iniciado hai semanas polo Eido Dourado cambia de ubicación por cuestións de espazo.
O artista barreirense Celso Dourado explica que “o Eido Dourado promove un concerto de jazz experimental este venres a partires das once da noite. É un concerto no que eu persoalmente levo traballando bastantes semanas e ao final logramos que se poida facer. Este concerto de jazz experimental non se vai desenrolar nos xardíns do Eido Dourado por razóns de espazo. Ímolo trasladar ás terrazas do camping Gaivota, coincidindo coas queimadas que facemos todos os venres. Aproveitamos para invitar aos amantes da boa música para que se acheguen a disfrutar desta nova cita musical”.
Dourado dixo que “neste concerto van participar Xandra Pinheiro, que é unha acordeonista de orixen portugués cunha traxectoria bastante longa; Pablo Sax, que é un saxofonista galego que forma parte de distintos grupos de jazz; L.A.R. Lejido, que é un grande músico de Valladolid, que é batería, instrumento que combina con todo tipo de obxetos sonoros, desde campás, cuberterías de cociña ou xoguetes, algo que resulta espectacular; e o compositor e pianista de orixen cubano Alejandro Vargas, que forma parte de diferentes grupos, soe acompañar a Guadi Galego e é coñecido tamén porque moitas das súas pezas son tocadas co piano tapado por unha manta, nun proceso realmente espectacular”.
O creador do Eido Dourado engadiu que “a previsión deste concerto era para os xardíns do Eido Dourado, pero pensamos que debido ás infraestructuras que teñen estes músicos era mellor trasladalo ás terrazas do camping Gaivota, porque é un tipo de música para escoitar e ver con comodidade, preferiblemente sentado”. E subliñou que “foi un traballo longo e realmente costounos, porque sobre todo Alejandro Vargas e L.A.R. Lejido teñen unha axenda moi apretada. Pero por fin van vir á Mariña, e en concreto ao camping Gaivota, e van ofertarnos un concerto coido que espectacular, espero que o tempo nos axude, pode ser moi fermoso”.
O acto é gratuito e aberto e “aquelas persoas amantes do jazz non dubiden en achegarse porque penso que vai merecer a pena e vai ser un fito na Mariña de Lugo bastante importante pola calidade dos músicos que van intervir”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
