O PP de Ribadeo culpa ao alcalde de que a súa representante na Mancomunidade non puidese tomar posesión

NOTA PRENSA

O grupo municipal do Partido Popular quere denunciar ante os medios de comunicación o sucedido na tarde do martes 10 de agosto, cando na sesión Constitutiva da Mancomunidade de Municipios da Mariña a concelleira do PP, Mª del Campo L. Braña, non puido tomar posesión do seu cargo como representante do Concello de Ribadeo ao non terse remitido dende o nóso Concello á Mancomunidade a correspondente certificación plenaria na que consta a sua elección na ultima sesión de pleno.

Se ben estamos ante un defecto de forma que poidera resultar excusable, entendemos que non se trata calquer defecto, pois a participación activa na mancomunidade de Municipios dende o principio é de especial relevancia ao fin de poder ser parte e participar de todas las decisións que ali se adopten e que poidan redundar nunha mellora na prestación de servicios para o noso Concello.

É obriga do Concello, e do seu Alcalde, dar cumprimento ás formalidades legais e administrativas que permitan a participación dos Concelleiros nos distintos órganos nos que ten representación o Concello de Ribadeo, e, se ben é certo que o Alcalde está no seu dereito de elexir participar ou non naqueles órganos que estime, non é menos certo que é a sua obriga permitir e facilitar que os outros concelleiros poidan exercitar ese mesmo dereito.

Dende o PP pedímoslle ao Alcalde que, ainda estar no verán se deixe de tanta festa e de tanto preocuparse por sair na foto, e se adique máis a traballar dende e para Ribadeo, facendo valer a representación que cada un dos Grupos Políticos a través dos seus Concelleiros ostentan no Concello, e que son reflexo dunha parte importante da poboación de Ribadeo, que ten dereito a que os seus intereses se vexan defendidos por aqueles nos que depositaron a sua confianza.