Nota de prensa:
MÁIS DE 200 LUCENSES CHAMARON AO TELÉFONO DE INFORMACIÓN Á MULLER NO PRIMEIRO SEMESTRE
No conxunto de Galicia, utilizaron este servizo 2.086 persoas, das que máis da metade teñen entre 45 e 65 anos.
As consultas máis frecuentes están relacionadas coa atención psicolóxica, recursos existentes e orientación xurídica.
Santiago, 4 de setembro de 2011.- Un total de 201 persoas residentes na provincia de Lugo chamaron no primeiro semestre deste ano ao Teléfono de Información á Muller, que ten operativo a Secretaría Xeral da Igualdade para facilitar asesoría sobre cuestións xurídicas, psicolóxicas, laborais e de calquera outro tipo que contribúan á igualdade das mulleres. A distribución provincial das chamadas complétase con 1.022 consultas procedentes da Coruña, 755 de Pontevedra, 102 de Ourense e outras 6 chamadas de fóra de Galicia, sumando así unha demanda de información por parte de 2.086 persoas. Do conxunto de chamadas recibidas, 226 estaban relacionadas coa violencia de xénero.
As mulleres son as principais usuarias deste servizo, realizando 1.942 do total de consultas rexistradas en Galicia nos seis primeiros meses de 2011. Na maioría das ocasións, foron as propias persoas interesadas as que efectuaron a chamada, en 1.851 casos, mentres que 138 foron realizadas por familiares ou amizades e o resto de consultas procederon de profesionais, entidades e outros.
Por tramos de idade, o de maior demanda está na poboación de 45 a 65 anos, que concentra máis do 54% das chamadas. O tipo de información máis solicitada está relacionado coa atención psicolóxica, cun total de 959 chamadas, en moitos dos casos a propia muller é consciente da necesidade de atención especializada, pero no 6% das ocasións foron os profesionais do servizo os que identificaron a situación emocional da usuaria como tributaria de atención psicolóxica. A información sobre os recursos existentes constitúe a segunda gran área de consultas, con 389 chamadas, interesadas, por esta orde, nos servizos sociais e de saúde e nas asociacións que traballan neste ámbito. A área xurídica é a terceira en número de consultas, con 270, relacionadas co dereito de familia, o dereito penal e laboral, así como co acceso á xustiza gratuíta.
O equipo multidisciplinar de profesionais que atende este servizo resolveu directamente o 93% das consultas realizadas, derivando as restantes cara outros servizos, encabezados polos CIMs.
Atención telefónica en 51 idiomas
Para facilitar a asistencia tamén á poboación emigrante, o Teléfono de Información á Muller presta o seu servizo en 51 idiomas en 8 dos cales –galego, castelán, inglés, francés, alemán, árabe, romanés e chinés- está operativo as 24 horas de todos os días do ano, e nos 43 idiomas restantes de luns a venres, de 08.00 a 18.00 h.
As persoas interesadas poden acceder gratuitamente ao Teléfono de Información á Muller no número 900400273 ou a través do 012 da Xunta de Galicia, no que está integrado.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
