Nota de prensa:
GALICIA E ASTURIAS COINCIDEN NA NECESIDADE DE CONSTITUIR OS ÓRGANOS DE GOBERNO DA RESERVA DA BIOSFERA RÍO EO, OSCOS E TERRAS DE BURÓN
As dúas comunidades autónomas convocarán unha xuntanza da Comisión Provisional da Reserva da Biosfera co obxecto de propoñer a constitución formal dos órganos e participación pública
Santiago, 24 de setembro de 2011.- O director xeral de Conservación da Natureza da Consellería do Medio Rural, Ricardo García-Borregón, reuniuse esta semana co viceconselleiro de Recursos Autóctonos do Principado de Asturias, Luís Peláez, para poñer de manifesto a necesidade de impulsar a constitución dos órganos de Goberno e participación pública da Reserva da Biosfera Río Eo, Oscos e Terras de Burón, entre outros temas.
A Reserva da Biosfera do Río Eo, Oscos e Terras de Burón constitúe unha oportunidade de avance para este territorio que terá como meta o desenvolvemento sostible no seu sentido máis amplo. A conservación da biodiversidade e a paisaxe, a intensificación de máis e mellores programas de turismo, a calidade como referente territorial, a mellora da capacidade empresarial, o impulso das novas tecnoloxías e a mellora da proxección exterior serán -entre outros- os retos e os desafíos para este territorio.
Tamén se analizou o Plan de Acción da Reserva, do cal xa existe un documento borrador elaborado de xeito conxunto polas dúas CCAA, será presentado aos órganos de xestión da Reserva da Biosfera. Este plan constituirá un elemento clave no desenvolvemento desta área, na medida que conterá as liñas e directrices de impulso para os próximos anos.
De igual xeito, ambos directivos trataron a coordinación de accións en materia de pesca continental nos ámbitos de xestión conxunta, principalmente no río Eo. Acordouse unha vindeira xuntanza técnica, neste mes de setembro, para abordar a coordinación da próxima tempada de pesca nos ríos compartidos Eo e Navia.
Convenios de colaboración
Na xuntanza de traballo analizouse ademais o estado de execución dos convenios de colaboración subscritos por ambas comunidades co Estado. No caso de Galicia executouse un convenio que se firmou no ano 2009 co Ministerio de Medio Ambiente e Medio Rural e Mariño (Marm) por un importe de 500.000 euros, mediante o cal abórdase a redacción do Plan de Acción, a primeira fase da sinalización da Reserva, así como tamén para colaboracións cos concellos -encamiñadas na posta en valor dos recursos de cara mellorar o estado de conservación e de desenvolvemento da área-.
A Consellería do Medio Rural subscribiu ademais un convenio de colaboración co Marm para dotar a esta Reserva dun programa de accións por importe de 1,7 millóns de euros, que se encontra na actualidade en execución.
Reserva da biosfera
A función principal das reservas da biosfera é conciliar a conservación e protección da biodiversidade co desenvolvemento económico e humano destas zonas, así como a investigación, educación e intercambio de información entre as diferentes reservas que forman a rede mundial.
A Reserva da Biosfera Río Eo, Oscos e Terras de Burón naceu no ano 2007, despois da súa aprobación pola UNESCO. Esta declaración é froito da candidatura conxunta presentada pola Xunta de Galicia e o Principado de Asturias. Son catorce municipios os que forman parte deste espazo, dos cales sete son asturianos (San Tirso de Abres, Vegadeo, Castropol, Taramundi Santa Eulalia, Villanueva e San Martín de Oscos) e sete lucenses (Ribadeo, Trabada, A Pontenova, Ribeira de Piquín, Baleira, A Fonsagrada e Negueira de Muñiz).
En total, a Reserva conta cun territorio de 158.883 hectáreas declaradas, das cales 107.913 corresponden a Galicia e 50.970 ao Principado de Asturias, e nela residen 34.000 persoas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
