O alcalde de Burela e representantes de Costas trataron asuntos sobre as praias do concello

Nota de prensa

GONZÁLEZ BARCIA SUPERVISOU XUNTO A RESPONSABLES DE COSTAS AS NECESIDADES EN MATERIA DE CONSERVACIÓN E MANTEMENTO QUE PRESENTAN OS AREAIS DE BURELA. O REXEDOR QUERE RECUPERAR O PROXECTO DE CONSTRUCCIÓN DE VESTIARIOS E SERVIZOS HIXIÉNICOS NA PRAIA DE PORTELO.

Burela, 29 de setembro de 2011. O alcalde de Burela, José María González Barcia, e responsables de Costas supervisaron as necesidades que presentan os areais do Concello en materia de conservación e mantemento. O rexedor aproveitou a ocasión para lembrar algúns dos proxectos pendentes de execución.

González Barcia explicou que “estamos co xefe de servizo e estamos a analizar as actuacións de conservación e mantemento que se poden levar adiante en Burela. Sabemos que a situación de crise que estamos a vivir impide a realización de moitas infraestructuras, pero a actuación que sempre tivo Costas en Burela pódese calificar de exemplar”.

O alcalde de Burela plantéxalle a Costas “a recuperación dun proxecto, que xa fora iniciado na nosa etapa anterior como equipo de goberno, referido á construcción dusn vestiarios e duns servizos hixiénicos na praia de Portelo. Nós agardamos que ese proxecto, que está aprobado xa, a ver si se pode facer realidade xa dentro de dous anos e nese sentido é no que imos traballar. Hai un proxecto similar feito xa un pouco máis recente en Ril, polo que tamén imos pelexar, sendo conscientes de que hai moi pouca marxe de maniobra”.

Desde o Concello “tamén estamos a estudiar algún tipo de actuación a maiores como pode ser, por exemplo, a concentración de contedores tanto na praia da Marosa coma na urbana, para rodealos dalgún elemento protector e acorde co entorno no que están colocados e así mellorar a imaxe deses areais e para que se vexa algo máis respectuoso co medio ambiente”, seguiu a contar o rexedor.

José María González Barcia dixo que “a visita enmárcase dentro das habituais que Costas fai para analizar xunto cos alcaldes as necesidades de conservación e mantemento e aproveitamos para seguir pedindo aquelo que consideramos que debemos pedir, e para ir olvidándonos dalgún proxecto faraónico, como esa praia que se quería facer na zona de O Perdouro. Nós entendíamos que xa era inviable daquela porque non ía moi de acordo co entorno, e hoxe aínda o é máis pola falla de calquera capacidade económica para facer fronte a unha obra que ía supoñer un desembolso moi importante e nos tempos que corren eses cartos é preferible que vaian parar a outro lado. Aínda que insisto nós xa non estábamos moi de acordo con esa praia e preferimos que a ribeira estea como está”.